Тексты
Вернуться к списку | редактировать | удалить | Создать новый | История изменений | Статистика | ? Помощь
Миронова Валентина. Tašavallan päivänä Aunuš vuottau vierahie
Миронова Валентина
Tašavallan päivänä Aunuš vuottau vierahie
карельский: собственно карельское наречие
Новописьменный севернокарельский
Tänä
vuotena Tašavallan päivyä ottau vaštah vanha karjalaini Aunuš-kaupunki .Kešäkuun 10.päivänä Aunuš muuttuu starinallisekši kaupunkiksi , kumpasen aukivot ta kavut kaimatah ativoja karjalaisien vierahanvaraisuon muajilman .Karjalan halličukšešša järješšetyššä brifingissa paistih juhlapäivän tarkašta ohjelmašta .
Viittä vuotta peräkkäh Karjalan tašavallan päivyä juhlitah eri piirilöissä .Šitä jo piettih Priäžäššä , Kontupohjašša , Sortavalašša ta Koštamukšešša .
Aunuš on Karjalan vanhin kaupunki ta ennein še oli tašavallan piäkaupunkina – tämä fakti näkyy pruasniekkapäivän toimehpitojen teemašša .
KT :n kulttuuriministeri Aleksei Lesonen kerto , jotta juhlana kaupunki jakautuu temaattisih oših .Kaupunkin joka čupušša vierahat löyvetäh mitänih mukavua .
Järještäjien šuunnitelmien mukah , pruasniekkana Aunuš muuttuu starinallisekši kaupunkiksi .”Starinallisella kartalla ” ruvetah toimimah Muasterien katu , Ekologini katu , Istorijallini kuja , Jarmankka-aukivo , Karjalaini kirja .
Kaupunki šai tašavallan b’utžetista 50 miljonua rupl’ua valmissuštöih .Aunukšen kanšallisen piirin piälikkö Sergei Prokopjev šelitti , jotta šuurin miärä rahašta mäni kaupunkin kunnoššuš - ta remonttitöih .
Aunukšen erotukšena kaikista toisista paikoista , missä jo juhlittih Tašavallan päivyä , on še , jotta kaupunkilla on juhlan oma logo – tuohini šarkunok-kukkani .Še on Aunukšen piirin ta tašavallan uuši brendi .Logo valmissettih paikalliset taiteilijat Jelena Novikova ta Roman Leontjev .Šarkunok on vanha tuohešta luajittu helynikukkani , kumpasen kera ammusista ajoista leikittih lapšet Aunukšen gubernijašša .
– Juhlašša myö esitämmä šitä kukkaista ta ehotamma vierahilla šitä luatie omin käsin , jotta šiitä lahjottua lapšilla , kerto Aunukšen piirin hallinnon varajohtaja Jelena Brussujeva .
Kaikkie , ken tulou Tašavallan päivänä Aunukšeh , vuotetah kirkkahat tapahtumat , kisat ta huvit , a kaupunkin kanšallini koloritti tulou esillä tanššiloissa , lauluissa , pukuloissa .
Kaupunkin eläjät ta ativot šuahah ošallistuo muasteri-oppiloih , oštua suveniirija jarmankalla , kaččuo Kuva-kuivatuš-näyttelyn valokuvie .
Juhlan rajoissa pietäh šuomelais-ugrilaisen nuorison Karjalan nuoruš -festivali , šuuri konsertti šekä palkitah pariskuntie , kumpaset eletäh yheššä yli 50 vuotta .
Pakkaine niise ošallistuu šuureh pruasniekkah ta järještäy kyykkä-pelin muasteri-opin , kumpaseh tullah šuomelaini Joulupukki ta hänen apulaini Tonttu .
Aunukšen kaupunkin ta koko piirin eläjät aktiivisešti valmistauvutah juhlah ta luvatah vierahilla monta yllätyštä .
Tašavallan päivänä Aunuš vuottau vierahie
карельский: собственно карельское наречие
Новописьменный севернокарельский