Тексты
Вернуться к списку | редактировать | удалить | Создать новый | История изменений | Статистика | ? Помощь
Kummittelijaini
Kummittelijaini
карельский: собственно карельское наречие
Новописьменный севернокарельский
Šilloin
oli vielä Ponkalahešša kyläneuvošto , kolhosi , punanurkka ta kauppa .A koulu oli kalmismuan toisella puolen , jyrkällä järven rannalla männiköššä .Kärrytie kulki kalmismuan toista reunua .Hyvin monien hautakumpujen piällä enneinvanhah oli šalvettu lautakattoset hiršišeinäset kropničat .
Eryähän kerran šyyšillan hämärissä nuori opaštaja Muarie Valtojeva kotihis matatešša töistäh kaččou , kun eryäš kropničča alko heilahella ta ryškyä .Mi lienöy šen alla kuhjau ta röhisöy niin kuin ihmini rykis .
– Onnakko kummitteliutumah rupesi , Muarieta alko ihan puissattua vilušta .
Šinä šamasena päivänä Muarie muisti opaštavah koululaisilla ateismie .A iče varajau riähkyä .A lapšie pitäy opaštua niin kuin ylempyätä oli miärätty .Muarie monta kertua pöläšty vähemmäštäki , kun huukaja-haukka monen monta kertua šattu šuhahtamah kalmismualla Muarien piän piällä ihan iltapimieššä .Šeki pölättäy jalankulkijan ihan ičettömäkši .
Nyt Muariella ruvettih polvet tutisomah ta jalat riukasi kokonah .Šiihi ni lyšähti polvieh varah :
– Hospoti šie prosti milma riähkähistä , Muarie rupesi šopšottamah malittušanua .
Šiitä kun šai iäneh kuulumah , hiän alko karjuo täyttä keruo :
– Rahvaš hoi-i-i , tulkua häti-i-i-h !
– Ka mi piessa šiuh on männyn ?
Onnakko šika on purrun ?juoksi paikalla kolhosin šikalašKummittelijaini ta päin karjakko Malanie tukat čiirallah .
– Mi šika ?
Muarie vieläki vapisi .
– Ka še kolhosin vihani šika , mi iltapuoleh pakeni tänne kalmismualla päin .
Emmä tavottan kuvatušta hoš kuin olisima juoššun peräššä , emmäkä löytän vaikka kuin olisima yrittän eččie .
Kropniččakatto alko uuvveštah rošata ta heilahella , ta šen alla paholaini röhkie ta piekšäytyö .
– Ka šinnehän še pakana on ni peittäytyn eikä älyö piäššä jälelläh .
Niätšen , kun šijan käršä šopiu pienempähki loukkoh , a perše on pyörie .Voimua šillä otukšella on vaikka kepiempyä kropniččua šeläššäh kantua .
Oli mitein oli , a opaštaja-Muarie oli niin pöläštyn , jotta šen jälkeh ei voinun noušša šijašta eikä hyvin monena päivänä piäššyn kouluh .Untakana ei šuanun šilmähäš .Kun vain šilmät aletah vierrä kiini , alkau kummitteliutuo .Niin kuin makuukamarissa mi lienöy otuš alkau kuhjua ta röhissä .Kun Muarie avuau šilmäh , ei mitänä nävy .Šiitä vašta šelväšti alkau kuulla , kun pirttipuolella ukko ta akka kuoršatah monenmoisilla iänillä .Muarie höristäy korvieh , jotta paremmin kuuluis .Šiitä alko kuuluo kuhjantua ta ähkintyä , niin jotta puukrovatti rupesi kričajamah ta kračajamah .
Šen pivuš ni starina .
Kummittelijaini
карельский: собственно карельское наречие
Новописьменный севернокарельский
–
–