Тексты
Вернуться к списку | редактировать | удалить | Создать новый | История изменений | Статистика | ? Помощь
Tatjana Berdaševa. Tašavallan nuorin kanšallispuisto kehittyy
Tatjana Berdaševa
Tašavallan nuorin kanšallispuisto kehittyy
карельский: собственно карельское наречие
Новописьменный севернокарельский
Jo
aikoja takaperin ihmini rupesi miettimäh luonnonšuojeluo .Enšimmäisie luonnonšuojelualovehie oli peruššettu jo keškiaikoina .Enšimmäini kanšallispuisto peruššettih Amerikašša 1872 vuotena .Še on Yellowstonen kanšallispuisto .
Mitä kanšallispuisto tarkottau ?Še on luonnonšuojelualoveh , missä ihmisien toiminta on mahollista .Esimerkiksi , kanšallispuiston alovehella kehitetäh matkailun infrastruktuurie .Näin Yellowstonen kanšallispuistošša on rakennettu muutoma šata kilometrie asfalttiteitä , kumpasie myöten puistošša voit ajua .Puiston läpi kulkou rautatieki , puistošša on rakennettu leirintäalovehie ta šielä on tarjolla kaikenmoista toimintua .
Kalevalan kanšallispuisto on vielä liijan nuori , eikä šielä ole niin kehittynyttä infrastruktuurie .Tašavallan nuorin kanšallispuisto tämän vuuvven heinäkuušša täyttäy vain 12 vuotta .Puistolla on kuitenki äijän šuunnitelmie ta toivoja , jotta niitä riittäy vuosikymmeniksi .
Ideja kanšallispuiston peruštamisešta tuli Venäjän tietoakatemijan Karjalan meččätutkimuškeškukšen ammattimiehillä 1980-luvun lopušša .Alovehella on šäilyn koškomattomie meččäerämaita .Puiston yli 74 000 hehtarin alovehešta noin 70% on havumeččyä , etupiäššä männikköjä .Enämpi 80% koko šiitä meččäalašta ollah yli 120 vuuvven ikäsie puita .Eryähien puijen ikä on äšen 450-500 vuotta .Vesi peittäy noin 9 000 hehtarie : puistošša on yli 400 järvie ta noin 250 jokie ta ojua .Alovehella eläy petroja , konteita , ahmoja , jouččenie šekä mua - ta merikotkie .
Erikoista huomijuo kiinitetäh Kuittijärven järvilohen ta šamoin jokihelmišimpukan šäilymiseh .Šimpukan elinkierto riippuu äijälti lohen esiintymiseštä .Voit olla , jotta varšinki puiston anšijošta onnissutah lisyämäh jokihelmišimpukkakantoja ta šamoin kehitetäh elmenpyyntie , mi kuuluu karjalaisien perintehellisih elinkeinoloih .Kanšallispuistolla on šamoin istorijallini ta kulttuurimerkityš .Alovehelta löyvettih muinoisihmisien elinpaikkojen jälkijä , mit ollah peräsin kivi - ta kuparikauvelta .Muinoisaikoina šillä šeuvulla elänyöt saamelaiset rakennettih uhripaikkojah , seitoja , kumpasie toisin šanotah lentäjiksi kivilöiksi .Karjalaiset jätettih puih omat merkit , karšikot .1800-luvulla nykysen kanšallispuiston alovehelta kerättih runoja , muinosie karjalaisie lauluja , kumpasie otettih šiitä muajilmankuulusah Kalevala-eepossah .
Vuotena 2017 Kalevalan kanšallispuisto hyväkšyttih ainutluatusekši alovehekši kanšainvälisellä tašolla .Koštamukšen luonnonpuisto ta šiih kuuluja Kalevalan kanšallispuisto on šuatu UNESCO :lta kanšainvälisen statussin Metsolan biosferialovehena .
Kanšallispuiston korkie statussi ta yli kymmenvuotini toiminta annetah šillä mahollisuš šuavuttua uušie tavottehie ta kehittyö šäilyttäen šeuvun ainutluatuisutta .
Tašavallan nuorin kanšallispuisto kehittyy
карельский: собственно карельское наречие
Новописьменный севернокарельский