Тексты
Вернуться к списку
| редактировать | удалить | Создать новый
| История изменений
| Статистика
| ? Помощь
Tahtas
жанр: бытовой рассказ
Информант(ы):
Прокопьев Николай Семёнович, 1922, Ковкойсельга (Koukoisel’g), Кондопожский р-н, Республика Карелия
Прокопьева Лидия Ивановна, 1927, Ковкойсельга (Koukoisel’g), Кондопожский р-н, Республика Карелия
место записи:
Тивдия, Кондопожский р-н, Республика Карелия,
г. записи:
1984
записали: Баранцев Александр Павлович
Источник:
Образцы карельской речи. I. Говоры Республики Карелии, тихвинских и тверских карел, 1994, с. 360
ф/архив ИЯЛИ КарНЦ РАН: №2811/10
Tahtas
карельский: людиковское наречие
Севернолюдиковский (кондопожский)
Nu kuibo tahtas zavodittih?
Ka tahtas en’džimäi šegoitettaa, luaditaa, pandaa miä tahto, vähäine konz hän on kisl’enkii, čut lieniiš kislo.
A šiit šegoitetaa ehtäs.
Huondukšel nouzet, šiit piekse, vie dobaavit suolad dai d’auhot.
Se nouzov.
A nügü konečn on droždit ka nügü palaižen panet droždit.
Nu luaditee.
Kui golofku, nügü nazivaeca golofka.
Net kaik nimes.
A ende vit’, n’e nazivali ni mid’ä.
Prosto lujettii tahtas muga vähäine da pandah dai.
Siit seguoitettih tahtas?
No.
Taiginad ol’d’ii.
Taigin oli moine.
Nu mit’t’e pereh.
Pereh tobd’ ka.
Toi- tobd’emb taigin a pien’el ka i padoihe šegoitettaa mil.
Nu muigoites aino pidi.
Še vedää vie pečele piä da vala et.
Tämpä luadiit l’eibät šidä vala ela.
Ende se ei olnu droždit.
A nügü hot’, pekarn’as libo min’a kondit’eran ka, mile droždit pandaa i.
Ne.
Vot ende kui tahtast l’eibät azuitte?
Vot kui teiden küläs?
No vot ende i luodittii.
Val’aittihgi piriä-?
Ke, hänt ku luaditta, šiid luodittii kruglii l’eip.
Pandaa stolale.
Pieksetaa.
Mi pid’ää, šig otetaa kädel.
Priblizitel’no tiettaa.
Mäküšk mit’t’e on.
A vie nazivali mučnikat.
Se d’o on toižii.
Hot i naprimer polvil’ ei luadita, ka se piäv tahtas luadida segedemb.
I luaditaa kruglii leibe.
A mučnikkaa šiga piäv d’o ved’el’emp tahtas.
Šiid d’o ajeltau kui kalitokš ajeldaa kuori.
Skan’č.
No, skan’čče.
I šihe pandaa tahtas vähäine žitkijat.
I vot ümbäri ninga rupitettaa i pandaa päččii se lienoo ku, nu, i mučnik meil nazivajut.