Тексты
Вернуться к списку | редактировать | удалить | Создать новый | История изменений | Статистика | ? Помощь
Jelena Karhu. Tiikšin Karjalaini gorničča kulttuurin šäilyttäjänä
Jelena Karhu
Tiikšin Karjalaini gorničča kulttuurin šäilyttäjänä
карельский: собственно карельское наречие
Новописьменный севернокарельский
Karjalaini gorničča
ilmešty Tiikšissä ei šattumalta eikä tyhjällä paikalla .Še on Tiikšin koulun etnografi sen musejon elvyttämini ta jatko .
Musejo toimi koulun tiloissa 35 vuotta , ka viime vuuvven pakkaiskuušša koulu pantih kiini .Niin musejo kavotti oman virallisen stasussin ta šen iellini kohtalo oli epäšelvä .
Onnakko šattu niin , jotta juuri šiih aikah , puolentoistavuotisen väliajan jälkeh , tuaš alko toimie paikallini Kulttuuritalo .Piätöš kaikin voimin šäilyttyä musejo oli šama kuin meilä , klubin ruatajilla , niin ni Tiikšin eläjillä .Myö tiesimä , jotta še ei ole helppo homma ta jotta še on hyvin vaštuullini tehtävä .
Enšin šuunnittelima avata musejon Kulttuuritalon vanhašša rakennukšešša .Ka tilanneh muuttu ta viime vuuvven šulakuušša meilä alko šiirtymini koulun entiseh rakennukšeh .Šilloin myö jo malttoma , jotta avuamma musejon šielä .Asie oli vain rahotukšešša .
Ka täššäki vaikiešša kyšymykšeššä meitä tuaš veteli .Myö löysimä sponsorin – Sibirit-yritykšen toimehpanijajohtajan Vladimir Vladimirovin .Näin toivehet alettih pikku hil’l’ua toteuttumah .
Myö kiitämmä kaikkie ihmisie , ken perušti ta täyventi koulumusejo šekä varovašti šiäšti eksponattija melkein 36 vuotta .Tamara Koba , Tamara Sem’onova , Anna-Marija Vargo , kumartelemma teilä Tiikšin kaikkien eläjien puolešta !
Ken tietäy , mi kohtalo vuottais musejuo , još ei ois keräytyn yhtämieltäolijien ihmisien ryhmä , ket ymmärretäh , jotta on hyvin tärkietä pityä arvošša ta šäilyttyä meijän istorijua , kulttuurie , muistuo .Moušot Kulttuuritalon ruatajien toivehet näin ni jiätäis toteuttamatta , eksponatit ois annettu jälelläh entisillä omistajilla , a iče musejo jäis väin muisselmissa .
Mie šuurella mielihyvällä ta ylpevyöllä mainičen kaikkien nimet , ket lahjotettih meijän Karjalaisella gorničalla omien käsien , šielujen ta šyväimien lämpyö .Sibirit-yritykšen toimehpanijajohtaja Vladimir Vladimirov , Oleg Martinenko , Andrei ta Tatjana L’amiset , Vladimir Nezdr’uhin , Anatoli Sidorovič , Aleksandr Všivtsev , Aleksandr Il’l’utovič , F’odor Karhu , Goderdzi Molašvili , L’udmila Gutsul , Zinaida Andrejeva , L’udmila Safar’an , Nadežda Jepifanova , Valentina Ogorodnikova , L’udmila Sem’onova , Nadežda Spirina , El’vira Konovalova , Tamara Jefi mova , Valentina Ivanina šekä tietyšti miun kollegat Galina Paukštelo ta Tatjana Blizn’uk , šuuret passipot teitä kaikilla !
Mimmosina voijah olla pruasniekat , toimenpivot ?Ne voijah olla ilosina ta kirkkahina , juhlallisina ta mahottoman šuurina , voipi vielä pitälti luvetella .Meijän Karjalaisen gorničan avuamisen juhla tuli lämpimäkši ta liikuttavakši , šamoin kuin ni iče Gorničča .
Passipo meijän vierahilla Mujejärven pos’olkan taitehkoulušta ta laulajilla Vuokkiniemeštä lauluista ta tanššiloista , lahjoista ta onnitteluista .
Meijän Gorničan ovet aina ollah auki kaikilla halukkahilla .Karjalaisen gorničan tiloissa voipi ottua ošua erilaisih joukkomatkoih , muasteri-oppiloih , juhlallisih ohjelmih .
Gorničča on vain alku .Karjalan tašavallan peruštamisen 100-vuotispäiväkši myö šuunnittelemma avata entisen koulun tiloissa Tiikšin pos’olkan taistelu - ta työmainehen Istorija henkilöissä -huonehen .
Tiikšin Karjalaini gorničča kulttuurin šäilyttäjänä
карельский: собственно карельское наречие
Новописьменный севернокарельский