ВепКар :: Тексты

Тексты

Вернуться к списку | редактировать | удалить | Создать новый | История изменений | Статистика | ? Помощь

Aleksandra JUPPIJEVA. Nevesky

Aleksandra JUPPIJEVA

Nevesky

карельский: ливвиковское наречие
Новописьменный ливвиковский
Puutui erähäle mužikale nevesky, kudai ainos suvaičči pajattua.
Otti häi kerran neveskän luuvole. Kaiken päivän nevesky pajattau. Kačahteleh häi neveskähpäi, buitogu ainos on ruavolleh. Haravu lekkuu, ga et joga haravan heilahuštu čotaiče da ičen heilutandale rinnal pane.
Ildupuolel pilvii rubei taivahale keriämäh, pidäs heinät rutombah tukuta da suabrah suaha, a nevesky vai pajattau.
Hoi, nevesky! Heitä pajatandu. Kačo pilvenhattarua keriäy, pidäy teriämbäh heinät kerätä. Gu ei vihmua priskuas kuivil heinil.
Da, buat’ušku, minä gu heitänen pajatandan, sit ni ruadua en voi. Nivelii kai säräittäy en pajatanne.
Olgah sit, pajata vastai tuatto.
Heinät ruokittih terväh. Neveskän haravu terväh heilui, gu pajo.
Enämbiä buat’ušku nikonzu ei kieldänyh neveskiä pajattamas, ni mil ruavol olles. Ylen oli kädevy ruadoh, kui pajattamah. Pajatakkah, vai ruadua tiedäkkäh”, duumaičči starikku.