Тексты
Вернуться к списку | редактировать | удалить | Создать новый | История изменений | Статистика | ? Помощь
Iisusal kyzytäh kuollieloisnouzendah näh
Iisusal kyzytäh kuollieloisnouzendah näh
карельский: ливвиковское наречие
Новописьменный ливвиковский
18 Sit
Iisusan luo tuldih saddukeit , kudamat sanotah : "Kuollieloisnouzendua ei ole ". Hyö kyzyttih : 19 "Opastai , Moisei andoi meile moizen zakonan : "Ku miehel ollou velli , kudai kuoltuu jättäy akan , no ei jätä lastu , sit se mies otakkah vellen akan da suagah vellelleh lapsen ".
20 Oli seiččie vellesty . Enzimäine otti akan da kuoli , no ei jättänyh lastu .
21 Sit toine otti lesken , no häigi kuoli jälgeläzen jättämättäh . Muga rodih i kolmandenke 22 dai kaikkien seiččemen vellenke . Ni yksi heis ei jättänyh lastu . Kaikkii jälgimäzenny kuoli akkugi .
23 Kenenbo akakse häi rodieu kuollieloisnouzendas , konzu hyö kaikin nostah ?
Häi vet oli kaikkien seiččemen akannu ".
24 Iisus vastai heile : "Työ oletto sendäh yöksyksis , ku etto tunne ni Pyhii Kirjutuksii , ni Jumalan vägie .
25 Konzu rahvas nostah kuollielois , hyö eigo naija , eigo mennä miehele , a ollah kui anhelit taivahis .
26 A midä kuuluu kuollieloisnouzendah , ga ettogo työ lugenuh Moisein kniigas palajah tuhjoh näh ? Sie Jumal sanou Moiseile : "Minä olen Avraaman Jumal , Isakan Jumal da Juakoin Jumal ".
27 Eihäi Häi ole kuolluzien Jumal , Häi on elävien Jumal .
Työ oletto äijäl yöksyksis ".
Iisusal kyzytäh kuollieloisnouzendah näh
карельский: ливвиковское наречие
Новописьменный ливвиковский