ВепКар :: Тексты

Тексты

Вернуться к просмотру | Вернуться к списку

Lapsennu harjaitettih ruadoh

История изменений

20 сентября 2022 в 08:52 Александра Родионова

  • создал(а) текст
  • создал(а) перевод текста
  • создал(а) текст: Baban kel, gu mustella, ainos pidi kytkie pelvas. Pelvas kazvatettih. Sit kartohkat muah panna, sit net pidi nostella. Opi vai duumaija, kymmene yheksä vuottu vagoloi pidi nostella. Gu žiivattu piettih, sit i kartohkua pidi panna. Štekis vet kylevettihgo ruistu, kartohkat kazvatettih. Nygöi souhouzua gu eule, nimidä ei kazvateta. Sil aijal kai kazvatettih. Niitul joga kerral pidäy heinät šeloittua, ezmäi kuivata sit panna suattoh. Baban kel kannammo suatot. Kymmene vuottu neičukkaine pidi nenne kai ruadua. Sit minuu baba nostau yläh, a häin heiniä lykkiu, minä sie painelen. Kai ruavot baban kel pidi joga kohtas olla. Vellie nikonzu ei koskiettu. Häin oli gu syöttäi, kalua pidi suaha. Kezäl lapsennu euluh aigua juoksendella kaikel. Yhten kezän, se oli minul kymmene vuottu, lastu kačoin. Joga päiviä pidi Huabarvespäi juosta Štekkih. Illal järilleh kodih.