ВепКар :: Тексты

Тексты

Вернуться к списку | редактировать | удалить | Создать новый | История изменений | Статистика | ? Помощь

Aleksandr Volkov. Karjalu – muamo

Aleksandr Volkov

Karjalu – muamo

карельский: ливвиковское наречие
Новописьменный ливвиковский
Karjalumuaman nägöine.
Karjalan mečiskägöine.
Karjalan silmätjärvet.
Karjalan ozatkargiet.
Karjalan mečiskägöine,
Vierahal jällel vagoine.

Karjalan sammalleiby,
Voitgo vie syöttiä meidy?

Karjalan silmätjärvet,
Mečät kui hirven sarvet.

Karjalan syväinlapsennu,
Rahvahan eloskatkennuh.

Karjalan ozatkargiet,
Ryndähässyvät tärpiet.

Karjalumuur’oi, vagoihut,
Sydämen magei mandžoihut.

Muamo jo ammui kuoli,
Vieras ei meidy huoli.

Karjalu, kyynäl kabrasta,
Orboloi lapsii armasta.

Meile on kieli, usko vie,
Älä vai, Karjal, tuskevu:
Uponnuh ei vie veneh,
Hengästy, sovva edeh!

Kukkiu miän vuozii kägöine.
Karjalumuaman nägöine,
Polleta uuttu kelii...

Sinuttah en malta eliä.