ВепКар :: Тексты

Тексты

Вернуться к списку | редактировать | удалить | Создать новый | История изменений | Статистика | ? Помощь

Rimma Viktorova. Todesižed starinad

Rimma Viktorova

Todesižed starinad

вепсский
Младописьменный вепсский
MINUN ČUDOKAZ KAŽI
Minai oli Bas’akaži.
Se oli lujas tünän da kundlijaižen. Nece Bas’a-
kaži navedi kacta televizorad.

Kerdan minä läksin adivoihe, a Bas’ad unohtin pästta irdale. Kaiken aigan, konz kunase mänen, sen pästlen, a sil kerdal petkos jätin Bas’ad pertihe.
Pördimoi kodihe adivoišpäi möhä, irdal jo tegihe pimedaks. Tulin pertinnoks, kacuin iknaha da nägištin, miše televizor radab. No ved’ konz läksin adivoihe, kaik sijad sambutin. Minä pöl’gästuin. No verai oli saubas, niken ei voind ličtas pertihe.
Avaižin uksen da nägištin: Bas’a ištub stolal i, kuti emäg, kacub televizorad. Konz se jäi üksnäze, sille tegihe tusk. Pul’t televizoraspäi venui stolal. Bas’a, nacein, sidäme töpötelihe da avaiži televizoran, miše ei tusttuda.

KÜL’BET’PÄIV
Baboi eläb küläs.
Hänen pert’ seižub jogen randal, lähen jo kazvab mec. Lämäs säs tanhanno käveleba živatad: vazaine, lambhaižed da pen’ porzhaine.
Kaikuččen kezan babannoks tuleskeleb Ondrei vunukaine. Nügüd’ hänele om jo kuz’ vot, i kaik ümbri om melentartušt Ondrejale. Mugoine hän om tedontahtoine prihaine. Ezmäižen kerdan homaites pen’t sigašt, küzui babalaze: "Mikš porzhaine om mugoine redukaz, kuti redubukoi?". No vastust hän ei varastand, a meletaškanzi, kut sidä pesta.
Ondrei kucui ičeze sebranikoid, kenenke paksumba vändab: Sergejad da Timoid. Prihaižed löuziba suren padan vedenke, toiba kül’betišpäi muilad, šampunid da hosimen. Zavodiba pesta sigaižen. Üks’ muilastab, toine pezeb, a koumanz’ valatab kauhaspäi. Porzhaine ilosišti vizäidab i röhkab. Tedan, hänele tuli mel’he nece azj.
Baboi kulišti irdal mittušt-se kobaidust, nagrandad i heikahti:
Midäk sigä teget?
I hilläšti ližazi, – pened ukorezad!
Ondrei homaiči babad i sel’genzoiti:
Ved’ tämbei om kül’bet’päiv!


Kändi Svetlana Jeršova