ВепКар :: Тексты

Тексты

Вернуться к списку | редактировать | удалить | Создать новый | История изменений | Статистика | ? Помощь

Pilat kyzelöy Iisussua

Pilat kyzelöy Iisussua

карельский: ливвиковское наречие
Новописьменный ливвиковский
28 Kaifan luopäi Iisus viedih muaherran dvorčah; oli aigaine huondes. Jevreit iče ei mendy pertih, ku ei paganoiduo, a voidas syvvä Äijänpäivän ildastu.

29 I Pilat tuli pihale heijän luo da kyzyi: "Misbo työ viäritättö tädä miesty"?

30 Hyö vastattih: "Ku häi ei olis pahanluadii, myö emmo andanus händy sinule käzih".

31 "Otakkua työ iče händy i suudikkua omii zakonoi myö", sanoi Pilat. No jevreit sanottih vastah: "Meil ei ole valdua nikedä suudie surmah". 32 Hyö sanottih nenga, ku stuanittazih Iisusan sanat sih niškoi, mittumah surmah Häi kuolou.

33 Pilat meni järilleh dvorčah, käski tuvva Iisussua iččeh edeh, i kyzyi Hänel: "Oletgo sinä jevreilöin suari"?

34 Iisus vastai: "Ičego sinä muga duumaičet, vai muut on sinule sanottu nenga minuh näh"?

35 Pilat sanoi: "Olengo minä jevrei? Sinun oma rahvas da ylimäzet papit annettih sinuu minule käzih. Midäbo sinä olet luadinuh"?

36 Iisus vastai: "Minun suarinvaldu ei ole täs muailmaspäi. Ku se olis täs muailmaspäi, minun miehet toratannus, ku ei andua minuu jevreilöin vahnimien käzih. No minun suarinvaldu ei ole täs muailmaspäi".

37 "Ga sit yksikai olet suari"? sanoi Pilat. Iisus vastai: "Sinä iče sanot minuh näh: ga suari olet. Sih näh olen suadu da tulluh täh muailmah, ku sanuo, mi on tozi. Jogahine, ken on toven puolel, se kuulou minuu".

38 "Mibo on tozi"? kyzyi Pilat.

Иоанн 18:28-38

русский
28 От Каиафы повели Иисуса в преторию. Было утро; и они не вошли в преторию, чтобы не оскверниться, но чтобы можно было есть пасху.

29 Пилат вышел к ним и сказал: в чем вы обвиняете Человека Сего?

30 Они сказали ему в ответ: если бы Он не был злодей, мы не предали бы Его тебе.

31 Пилат сказал им: возьмите Его вы, и по закону вашему судите Его. Иудеи сказали ему: нам не позволено предавать смерти никого, 32 да сбудется слово Иисусово, которое сказал Он, давая разуметь, какою смертью Он умрет.

33 Тогда Пилат опять вошел в преторию, и призвал Иисуса, и сказал Ему: Ты Царь Иудейский?

34 Иисус отвечал ему: от себя ли ты говоришь это, или другие сказали тебе о Мне?

35 Пилат отвечал: разве я Иудей? Твой народ и первосвященники предали Тебя мне; что Ты сделал?

36 Иисус отвечал: Царство Мое не от мира сего; если бы от мира сего было Царство Мое, то служители Мои подвизались бы за Меня, чтобы Я не был предан Иудеям; но ныне Царство Мое не отсюда.

37 Пилат сказал Ему: итак Ты Царь? Иисус отвечал: ты говоришь, что Я Царь. Я на то родился и на то пришел в мир, чтобы свидетельствовать о истине; всякий, кто от истины, слушает гласа Моего.

38 Пилат сказал Ему: что есть истина?