Тексты
Вернуться к списку | редактировать | удалить | Создать новый | История изменений | Статистика | ? Помощь
Stefan otetah kiini
Stefan otetah kiini
карельский: ливвиковское наречие
Новописьменный ливвиковский
8 Stefan
oli täyzi hyvytty da vägie , häi luadii suurii kummii da tunnusruadoloi rahvahan keskes .
9 Sit erähät miehet ruvettih kiistämäh hänenke ; yhtet heis kuuluttih , kui sanotah , välläle piästettylöinh kirineilazien da alek sandrialazien sinagougah , toizet oldih Kilikiespäi da Aaziespäi .
10 No hyö ei voidu vastustua sidä mielevytty da Hengen vägie , kudamal pagizi Stefan .
11 Sit hyö peitoči kuhkutettih erähii miehii sanomah : "Olemmo kuulluh händy pagizemas pahua Moiseih da Jumalah näh ".
12 Hyö yllytettih rahvastu , rahvahan vahnimii , zakonanopastajii , sit tuldih käzin Stefanah da viettih händy N՚evvokunnan edeh .
13 Sinne hyö tuodih miehii , kudamat oigevuolleh viäritettih Stefanua . Hyö sanottih : "Tämä mies heittelemättäh pagizou tädä pyhiä kohtua da Zakonua vastah .
14 Myö kuulimmo , gu häi sanoi , buite Iisus , se Nazariettalaine , hävittäy tämän kohtan da muuttau eländytavat , kudamat Moisei on meile andanuh ".
15 Kaikin , ket istuttih N՚evvokunnas , nostettih silmät Stefanah , i hänen rožat ozutettihes heile anhelin nägözekse .
Stefan otetah kiini
карельский: ливвиковское наречие
Новописьменный ливвиковский