Тексты
Вернуться к списку | редактировать | удалить | Создать новый | История изменений | Статистика | ? Помощь
Premijad opendajile
Premijad opendajile
вепсский
Младописьменный вепсский
Necen
kun augotišes openduzministerstvan radnikad tegiba opendajiden konkursoiden ühthevedoid .Konkursoiden nimi oli ”Parahimad opendajad ”.Toine niišpäi om tehtud “Openduz ”-rahvahaližen projektan abul , toine – Karjalan valdkundan pämehen iniciativan mödhe .
Täl vodel nenihe konkursoihe ühtni 148 opendajad .Kaikid norembale opendajale om 26 vot , kaikid vanhembale – 61 voz’ .
”Openduz ”-rahvahaližen projektan abul , kudamb om tehtud Venäman prezidentan Vladimir Putinan käskön mödhe , kaikutte nelläskümnes kudes vägestajaspäi sab sada rubl’ad ..
Vižkümne tuhad maksaba koumeletoštkümnele opendajale , kudambad vägestiba konkursas , mitte oli tehtud Karjalan valdkundan pämehen iniciativan mödhe .
Konkursoiden ühtnikoiden keskes om enamb augotižškolan opendajid , venän kelen da literaturan opendajid , no om vepsän da suomen kelen opendajid-ki .Muga konkursas , kudamb om tehtud ”Openduz ”-rahvahaližen projektan abul vägestajiden keskes om suomalaiž-ugrilaižen školan vepsän kelen opendai Nadežda Kukojeva .
Mö , ”Kodima ”-lehtesen radnikad , ozatelem Nadeždad vägestusenke i toivom hänele hüvid openikoid , surid satusid edemba-ki i kaiked hüväd .
Premijad opendajile
вепсский
Младописьменный вепсский