ВепКар :: Тексты

Тексты

Вернуться к списку | редактировать | удалить | Создать новый | История изменений | Статистика | ? Помощь

Saivoik tatale

Saivoik tatale

вепсский
Средневепсский западный
Poručiba vauktan vaudaižen-se jo,

äjou aigalaze, äjou da norelaze.


Kalliž sinä kazvataižem, kut sinä racitid'

poručita minun vauktan vaudaižen-se, krasnijan da krasotaižen-se.


Kalliž sinä-da kazvataižem-se, sinä kazvatid' i libutid'

i kahtenkümnen volhan da voduden-se.


I kut, rodimijad roditel’ad-se, račititai,

poručitai minun vauktan vaudaižen-se

verhiže viluihe da armoižihe-ne

äjou aigalaze, äjou da norelaze.


Kut minei linneb kubahtada i likahtada

ičemį čomas da čogaižespäi-se,

i kut minei linneb eragata

ičemį kal’hes da kanzaižespäi-se.


Uže-ške minä kodiš, kalliž kazvatajaižem,

eragoitta dei kubahtoitta da siga.


I fatitetai-se da goditetai-se,

i käveleškanden ku minä verhiš armoižišpäi-ni

verhide viluide armoideke-ni.


A side tii i fatitoiš i zagoditoiš,

i oli miilamoi ii antta aigalaze ounu raffaze.


Kalliž sinä da kazvatajaižem,

sötai sinä da tatuško,

ka sugita-ške i tazoita minun šuukuižed hibusuded-ne,

täl ehtaližuu minun jäl’gmeižuu ehtkoužuu-se,

jäl’gmeine da kerdaine-se.


I riputa-ške sinä minun vouktaha voudaižehe-se

lühüd da jo lentaine-se.


Minun vouged i voudeine-se om jo täl ehtaližuu ehtkoižuu,

jäl’gmeižen ehtaižen krasuiše i likuiše

tiiden i čomas-se čogaižes-se,

i tiide dubovijou da jo laveižuu-se.


L’ubimijad tii l’ubovnijad podružnikaižed,

sugitagat-ko i sötatagat i silitagat minun,

minun šuukuižed hibisuded-ne jo

täl ehtaližuu da ehkoižuu-se.


Ka otkat-ko tii nügude minun vouged voudeine-se

i krasuižetkatkoi i likuižetkat,

kut i minä krasuižetlin' i likuižetlin',

kut i minä sädatelimoi ehtaze celin'.


Sugitagat-ko i tazoitagat tii enččikš i edeližikš,

l’ubimijad tii l’ubovnijad podružnikaižed,

töndutei-ko tii prestolnijile praznikaižile-ni,

kackat-ko tii minun vouged voudeine-se.

Свадебный плач, обращенный к отцу

русский
Поручили белую волюшку-то уже

очень рано, очень смолоду.


Дорогой мой меня вырастивший, как ты смог

поручить мою белую волюшку, красную красотушку-то.


Дорогой мой, меня вырастивший, ты растил и поднимал

двадцать трудных да годочков-то.


И как вы, родимые родители, смогли,

поручили мою белую волюшку-то

чужим холодным ласкам-то

так рано и так смолоду.


Как мне будет двинуться и тронуться

из своего красивого да уголочка-то,

и как мне надо будет покинуть

свою дорогую семейку-то.


Еще я дома, мой дорогой меня вырастивший,

а уже покинуть и двинуться отсюда.


И спохватитесь и подождете-то,

и стану ходить я в чужих холодных ласках-то,

с чужими холодными ласками-то.


А тут вы и спохватитесь и задумаетесь,

и не надо было отдавать меня так рано в люди.


Дорогой да ты меня вырастивший,

кормилец-да батюшка,

так расчеши-ка и пригладь мои шелковые волосики-то,

в это вечерний мой последний вечерок-то,

последний да разочек-то.


И повесь-ка ты на мою белую волюшку-то

короткую да ленточку-то.


Моя белая и волюшка-то в этот вечерний вечерок уже

последний вечерок красуется и ликуется

в вашем красивом да уголке-то,

и на вашем дубовом да полике-то.


Любимые вы любовные подружки,

расчешите-ка и пригладьте мои,

мои шелковые да волосики-то уже

в этот вечерний да вечерок-то.


Так возьмите-ка вы теперь мою белую да волюшку-то

и покрасуйте и поликуйте,

как и я красовала и ликовала,

как и я наряжала целыми вечерами.


Причешите и пригладьте вы по-прежнему и по-давнему,

любимые вы любовные подружки-то,

а как пойдете на престольный праздник,

так присматривайте вы за моей вольной да волюшкой-то.