ВепКар :: Тексты

Тексты

Вернуться к списку | редактировать | удалить | Создать новый | История изменений | Статистика | ? Помощь

Voikud

Voikud

вепсский
Средневепсский западный
Kut tii racitai poručita minun vouktan voudaižen, krasnijan krasotaižen vast käbedaha čomaha kezaižehe, vast vos’kal’hiže veslįhe praznikaižihe.

Kogodaškandesoi i keradaškandesoi l’ubovnijad podružnik’aižed surhe vatagaha, surhe artelihe, töndutas vos’kal’hele praznikaižele, pil’kijoide taljankaižide i veslide pajoižideke, mindai ii linne sid’ gor’o-gor'kijad ühtes arteližes, ühtes vatagaižes.

Johtatagat mindai verhou randoižou, l’ubimijad podružnikäižed, kut mii veselimoiš ühtes arteližes, ühtes vatagaižes.

Nügude ii ičein’ ole vouged voudaine, krasnįi krasotaine.

Kudaig minä pagištoitan i lodaižoitan verhid’ viluid’ armhižid’, ka en ehti minä tiideke ühthe arteližhe, ühthe vatagaižhe.

Otkat tii hot’ minun vouged voudaine, krasnį krasotaine, krasuižoitkat i likuižoitkat enččikš da edeližikš, kut mii krasuižoitlimai i likuižoitlimai vos’kal’hižil’ praznikäižil’ i smironnijoil’(smirnijoil’) besedaižil’.

Kaikatai minun vouged voudaine vihrijas(vih’ras) vihmaižespäi i gromkijas juruižespai, kut minä kaičelin’ kal’hen kazvattajaižen korttas kodižes i kal’hen kandjoihuden čomas čogaižes.

Причитания

русский
Как вам не жаль отдавать мою светлую волюшку, красную красотушку накануне красного красивого лета, накануне годового веселого праздника.

Соберутся любимые подруженьки большой ватагой, большой артелью, пойдут на годовой праздник со звонкими тальяночками и веселыми песенками, меня не будет тут, горемычной, в одной артели, в одной ватаге.


.



Теперь не моя светлая волюшка, красная красотушка.

Пока я уговорю и упрошу чужих холодных людей, так не успею я с вами в одну артель, в одну ватагу.


Возьмите вы хоть мою светлую волюшку, красную красотушку, покрасуйте и порадуйте по-прежнему, как мы красовали и веселили на годовых праздниках и на спокойных беседушках.


Оберегайте мою светлую волюшку от прохладного ('зеленого') дождичка и сильного грома, как я оберегала в высоком доме дорогого родителя и в красном углу дорогой родительницы.