Тексты
Вернуться к просмотру | Вернуться к списку
Краткая Священная исторiя. Daniilan seiččemin aijat
История изменений
12 ноября 2025 в 14:04 Ирина Новак
- создал(а) перевод текста
12 ноября 2025 в 14:04 Ирина Новак
- создал(а) текст
- создал(а) текст: Daniilan seiččemin aijat. Kiiru, Persijan kuningas, voitti ičele Vavilonan kuningas¦muan, i muga, kui sanottih Arbuajuniekat, andoi Iudein rahvahale vallan mennä järilleh omah muah i uvvessah luadie Jerusaliman i hänes Jumalan kirikön. Jerusalimah tulduu Iudeit jiädih Persijan kuningahoin al; i heijän avuttajes luajittih toine Jerusaliman kirikkö. Arbuajuniekat, Aggei i Zaharei, kehitettih i vagavutettih heidy sit dielos; a Malahei sanoi ennen päin, jotta sit samas kirikös ozutah Hristos. Konzu Makedonan Aleksandru hävitti Persijan kuningas¦muan i azetti grekalaizien kuningas¦muan; silloin Iudeit ruvettih enämbäl ennisty lähenemäh grekalaizien, jegiptalaizien, i jälgimäi riml’analaizien kere. Pyhä kirjutus oli kiännetty Grekalaizien kieleh, kudamal paistih suurin puoli rahvastu sil aigua. Kui Iudeit oldih vähä¦vägevät, se hyö äijy pahuttu tirpettih lähimäizis rahvahis. Kaikkie koviman ajamizen tirpettih hyö Sirijan kuningahas, Antiohas Jepifanas, kudai tahtoi azettua heil paganoin uskon kumardelemizen, i Jerusaliman kirikös seizatti valeh¦jumalan kuvan. Makkaveiloin pereh, pappiloin roduu, rubei puolistamah oigiedu uskuo. Hyö (uvvessah) azetettih Jumalan sluužban¦pidämine Jumalan zakonua myö, vardoittih oma mua i roittiheze Iudein piälikkö¦miehikse. Yhtelleh Iudeile sil aigua ainos počitai pidi varata, jotta kui paganat myöstei ei otettas heijän piäl valdua. Sil vaigiel aigua hyö vagavuteltih iččie sil toivol, jotta terväh tuloo uskaldettu Hristos. No äijät heis hairottih, toivojes, jotta Häi tuloo azettamah muallistu kuningas¦-¦muadu, kudamas hyö roitaheze (enzimäizet eläjät i ruvetah) pidämäh vanhembuttu toizien piäl.