Тексты

Краткая Священная исторiя. Hristan ezituliju Iivan

12 ноября 2025 в 14:24 Ирина Новак

создал(а) текст
создал(а) текст: Hristan ezi¦tuliju Iivan. Jerusaliman toizen kirikön pappiloin keskes oli yksi mies, nimel Zaharei. Hänel oli mučoi Jelisaveta. Mollemmat hyö oldih jumalallizet inehmizet. Hyö elettih vanhassah, no ei suadu lapsii, sendäh kui Jelisaveta oli suamatoin. Yhtel kerdua, konzu Zaharei meni kirikköh kuadimah, ozuttih hänele Angeli, i sanoi hänele, jotta Jelisaveta suaa poijan, Iivanan nimellizen, kudai tuloo ennen Hristua Spuassua i valmistaa inehmizet Händy vastuamah. Zaharei ei uskonuh sille, i sendäh ei voinnuh paista sih aigassah, kuni tottu ei rodinuheze hänel poigu; i silloin häi, kui nägi, jotta Angelin sanat ollah tovet, käski andua hänele nimen Iivanan. Iivan eli korves, hänen sovat oldih luajitut verbl’udan karvois i hänel oli nahkaine vyö, söi häi akridoi (heinä¦sirkii) i mečäs löyvettyy metty, syömisty ylen nälgähisty i mavuttomua. Jumalan käskys tuli häi Jordanan¦-¦jovele; saneli i kehitti rahvahale heittiä iäres riähkät, saneli, jotta terväh tuloo taivahalline, se on, Hristan kuningastus, i niidy, ken tunnusti omat riähkät, risti Jordanas.
создал(а) перевод текста