Texts
Return to list
| edit | delete | Create a new
| Statistics
| ? Help
Päivänlaskul briha astuu
genre: Lyric song
Source:
Oma mua. 2026. 11.11 (№ 44 (1834)). С. 8
Pajo on kirjutettu vuvvennu 1939.
Säveldäi Vladimir Zaharov, runoilii Mihail Isakovskii.
Kiändi karjalakse Valentina Libertsova.
Päivänlaskul briha astuu
Livvi
New written Livvic
Päivänlaskul briha astuu
Ihan minun taloin luo,
Silmäl minuh lipahuttau,
Vai nimidä ei sano.
Sit kenbo sen tiedäy,
Midä hänel pidäy (3 kerdua).
Konzu tulen gul’aiččemah,
Tansuiččou da pajattau,
A gu rubieu prostimahes,
Kiändäy piän da hengästäh,
Sit kenbo sen tiedäy,
Midä hengästeleh (3 kerdua).
Minä kyzyin, mindäh atkal,
Elaigugo huono on.
Vastai, buitegu häi kaimai
Gor’an syväinkeräzen.
Sit kenbo sen tiedäy,
Kenen täh sen kaimai (3 kerdua).
Egläi työndi poštan kauti
Kaksi kumman kirjastu:
Joga rivis vaigu čökkiet,
Tostattos la iče sit.
Sit kenbo sen tiedäy,
Midäbo häi vihjuau (3 kerdua).
Minä arbuamah en rubie,
Sidä vuottua ei ni pie.
Vaigu midä liennöy syväin
Magieh ryndähäs sulau.
Sit kenbo sen tiedäy,
Mindäh syväin sulau (3 kerdua).
