Texts
Return to list | edit | delete | Create a new | history | Statistics | ? Help
Perevod sokraščénnago katihísisa
Переводъ сокраще́ннаго катихи́сїса
Perevod sokraščénnago katihísisa
Karelian Proper
Old written Tver
Kyžymine
.
Midä myöten šie nimittäliečet ristikanžakši ?
Šanomine .
Šidä myöten , mintäh vieruičen Herrah miän šuuri šyndyöh i kuundelen hänen sv’atoida käššendiä .
Kyžymine .
Mih opaštau viero ristikanžojen ?
Šanomine .
Opaštau jogo tožiella , i jogo hyvällä aziella , mih näin ylen äijä šanottu kirjoissa prorokkojen i apostolojen : a že kaikki lyhyöldi on kirjutettu tiedävykšeššä vieron rissittyzien : vieruičen yhteh jumalah tuattoh i liiga .
Kyžymine .
Mih näin šiula ennen kaikkie h tämä tiedävyš muissuttau ?
Šanomine .
Jumalah näin , kumbane milma i kaiken muailman luadi , milma , i kaikkie muailmua pidäy i vardeiččou , i šidä myöten i pidäy händä h šuvata kaikkiella hengellä , kuunnella ei nagrokšeh , i vierie , kuin šilloin mie pien mieleššä i hyvin luajin , konža pien mieleššä i luajin šidä , midä hänen sv’atoi opaššanda käšköy .
Kyžymine .
Kuin šie piet mieleššä jumalah näin ?
Šanomine .
Mie pien mieleššä i vierin jumalua yhtä olla kolmie nimie , tuatto , poiga , i sv’atoi duuhu , i evle toista ilmain händä h , kumbane aino oli , i kumbane ni keštä evle luajittu , i kumbane aino lienöy : hiän on hibiettömä duuhu i šurmatoin , a vielä ylen tožikaš , hyvä tabane , kaikkiella jogo paikašša on , kaikki nägöy , kaikki kuulou , kaikki tiedäy , iččiet i miän mielet i tahtomizet .
Kyžymine .
Tulou go niin jumalan täh tiediä i mieleššä pidiä , a ruadua kuin tahot ?
Šanomine .
Ei : mie kuin mieleššä pien jumalah näh , niin , kuin hiän eläy , i miula pidäy eliä , a ka kuin : konža mie tiijän , jumalua olla tožikkahana , niin rubien omissa pahoissa azeissa tunnuštuačemah , toivuos’s’a , jotto hiän miun šanonnan riähkien ottau : konža on hiän jogo paikašša , i kaikki tiedäh , niin mie rubien vardeiliečemah , ei mi pahua luadie , i mieleššä ei pidiä , i kuunnella händä aino puhtahalla hengellä , i hyvällä mielellä .
Kyžymine .
Mih opaštau ristikanžojen viero miän šuuri šynnyn näh ?
Šanomine .
Opaštau , jotto hiän omua tabua myöten miän riähkähizien luoh tuli taivahašta , i ottiičen piällä miän hibien , ando meilä vällän oman , i rikottuon miän mielen kohendi tiijuštamizella jumalah näin : a jälgimäten puhaštamizen täh miän riähkie , rissin piällä kuoli : i kolmandena piänä eläydy , i hibien kera nouži taivahaže .
Kyžymine .
Tämä opaštamine ristikanžojen vieruo mi hyvyttä tuou elännällä šiun ?
Šanomine .
Ahistau aino šuvata miula jumalua :šidä myöten , konža hiän milma niin šuvačči , jotto rubei omalla hibiellä kaikkie miun neičči tirpamah i kuolomah , že olizin bi mie pahembi kaikkie h muailmalda , konže bi en tahtois’ händä aino hengellä šuvata , i šuvannukšen hänen kaikkie h parahana pidiä .
Kyžymine .
Äijä go panondua miän kiriköššä on ?
Šanomine .
Šeiččimen : rissittämine , miirulla voidamine , pyhien ottamine riähien šanomine , pappihuš , naimine , soboruimine .
Kyžymine .
Mi on rissittämine ?
Šanomine .
Rissittämine on panonda , kumbazešša kolmien panominen aigah hibiedä vedeh , näijen šanomizien kera : rissittiäčöy , inehmine Jumalan , kuin händä kučutah , nimeh tuaton i poijan i sv’atoin duuhun , peziečöy vieruiččijan hengi riähistä verellä šuuri šynnyn .
Kyžymine .
Midä šie otat sv’atoista rissittämizeštä ?
Šanomine .
Otan puhaštamizen riähkien , i mie olen yhen muone rissittyzien kera .I jumalan luona , i hänen kirikön , jiäkšiečen , niin puhtahašti i hyvin viettiä oma igä , min mie puhtahuš i hyvä viijin rissittämizeštä .
Kyžymine .
Mi že muone on miirulla voidamine ?
Šanomine .
On panoš , kumbazešša voiduas’s’a paikkoja hibien svätityllä miirulla valuačou rissittiäčijän piällä sv’atoi miiru , mi on , andamine sv’atoin duuhun .
Kyžymine .
Mi že muone on pyhien ottamine ?
Šanomine .
Pyhien ottamine on panoš jumalan , kumbazešša vieruiččija hibien neičči šuuri šynnyn , ottau leibiä , a veren neičči juou kirikkö viinua jättämizeh riähkien eländäh igättömäh .
Kyžymine .
Midä vaš šie otat pyhie ?
Šanomine .
Šidä vaš , mintäh ottuas’s’a pyhie šuaha uuži vägi i jumalan abu , eliä hyvin , i rissittyzien luaduh : a šiidä kaikkie miun rissittyzie ihaššuttua šillä , konža mie hiän kera yheššä kävyn kirikköh annan tiediä heilä h , jotto mie kiriköštä en ole eronnut , i hiän kera aino šuvaččomizešša , i yksissä mielilöissä olla tahon .
Kyžymine .
Mi pidäy luadimizeh pyhien ?
Šanomine .
Leibä vehnäne , muigie , puhaš , i viina ei rikottu puhtahin vejen kera ševotettu .
Kyžymine .
Konža pidäy pyhie ottua ?
Šanomine .
Endizet rissittyne jogo nedelie tädä sv’atoida šyömistä šyödih , i meilä pidäy hiän že luaduh ruadua : a hot’ yksi kerda vuuvešša jogohizella rissittyzeistä pidäy ottua pyhät , lujennukšen täh hengellizie voimatukšie , i uššondamizen täh , jotto hiän ristikanža , i toži poiga kirikön .
Kyžymine .
Ken ottamizešta pyhie haukuttu voit olla ?
Šanomine .
Tiettäväne , i aino pahoissa olija riähkähine , ših šuaten , kuin kirjutukšet sv’atojen tuattolojen käškietäh .
Kyžymine .
Kuin pidäy valmistuačie pyhien ottamizeh ?
Šanomine .
Malitulla , šanomizella riähkien , i kohendamizella eländiä .
Kyžymine .
Mi on riähkien šanomine ?
Šanomine .
Šanomine riähkien on jumalan panoš , kumbazešša rissitetyllä tožimizen šanomizen aigah omie riähkie , i lujan jiäkšiečimizen aigah paremmin viettiä oma igä jättiäčetäh jumalašta riähät papin kautti .
Kyžymine .
Mi on papin panoš riähistä ?
Šanomine .
Panomine papista on muone azie , kumbazella riähkähizellä hänen pahat aziet mielellä juohuttuačetah , i vedäy parennukšeh , mi on , pyhityš , malittu , jagamine elon , kävymine kirikköh , i kaikki žen že jytyš , midä panou hyvin tiedäjä pappi , kuin hengen parendaja .
Kyžymine .
Mi on pappihuš ?
Šanomine .
Pappihuš on panomine , kumbazešša Sv’atoi Duuhu Arherein kiän panennan kautti , papiksi panou makšajan tädä , obiedn’an pidämizen täh , i vardeimizen šyndy ruohtinan karjua .
Kyžymine .
Ken makšaja pappihuon ottau ?
Šanomine .
Inehmine eländiä hyviä kumbane nimie jumalan šuurendamah huolova on , i opaštamizen jumalan kirjutušta ylen tiedävä .
Kyžymine .
Midä pidäy ruadua papilla ?
Šanomine .
Ilmain pyhien luajindua i hädie kirikön a enämbi kaikkieh apostolan käššendiä myöten näidä : opaštua jumalan käššennällä , šanalla i hyvällä elännällä ; viärittiä pahoin luadijie , kohendua rikkuočennuzie , i haukkuo aino pahoissa olijie .
Kyžymine .
Mi on naimine ?
Šanomine .
Naimine on panomine jumalan , kumbazešša pappi kahta inehmistä naiččiečijie molembien šovinduo myöten , kumbazien keššeššä eule ni miitystä omahutta , yhistäy , i pakkuou heilä jumalalda kaikkie hyviä .
Kyžymine .
Mi on soboruimine ?
Šanomine .
Soboruimine on jumalan panomine , kumbazešša pappi voiduas’s’a voimattomua pakkuou hänellä hoivennušta taudešta , i riähkien laššendua .
Kyžymine .
Muiten rissittyzien hyvyttä myöten , kuin šiula pidäy eliä ?
Šanomine .
Kuin käšköy , i käškömäh rubieu miula miun muamo kirikkö .Midä myöten i rubien aloillah jumalua kumardelomah , žentäh kuin bi miula häneštä ni konža ei erota , i puata eruočemis’t’a , halgiemis’t’a i kaikkie ei šovinduo .
Kyžymine .
Midä šie toivot täyveštä luajinnašta rissittyzien azieda ?
Šanomine .
Toivon jumalašta hyvä tabazešta šuaha kaikkie hyviä i aigahis’t’a i aloillis’t’a , mintäh mie vieruičen tožikkahašta herrua tulomah suudimah elävie i kuoleida , kummas’t’a suuduo myöten kuin hyvän luadijien inehmizien kuningahalla , niin riähkähizien muokalla ei liene piädä .
Kyžymine .
Täyži go spuasenien täh yhtä vieruo hyvittä azeitta ?
Šanomine .
Ei : mintäh viero azeitta kuolie on .
Kyžymine .
Missä on šiula kirjutettu kuin hyvin ruadua ?
Šanomine .
Jumalan kirjutukšešša , kumbane on näissä alizissa kymmeneššä jumalan käššennöissä .
I
Mie olen Herra jumala šiun toizie jumaloja ni miittyzie , vain yhtä milma , ota .
II
Elä luaji ičellä š izrastie nimin jytyttä mi on ylähänä taivahašša , i mi alahana muailmalla , i mi veješšä muan alla , elä kumarduače heilä , i elä sluuži heilä .
III
Elä mainiče nimie šiun jumalan tyhjäššä .
IV
Muissa šuovatta hyvittiä kuuži päiviä rua , i luaji šilloin kaikki ruavot , a šeiččimeš päivä šuovatta Herralla jumalalla šiun .
V
Kuundele tuattuo š i muamuo š šiun , i hyvä šiula lienöy , i pitkä igähine mualla lienet .
VI
Elä tapa .
VII
Elä luaji pahua naizinehmizen kera .
VIII
Elä vie .
IX
Elä ažeta toizen piällä tyhjiä .
X
Elä taho toizen naista , elä taho toizen huonukšie , ni kyliä hänen , ni inehmistä hänen , ni härgiä hänen , ni hevos’t’a hänen , ni kaikkie žiivattua , mi on toizen .
Kyžymine .
Mih opaštau enžimäne käššendä ?
Šanomine .
Opaštau hengellä tunnuštua , i kielellä mainita vain yhtä jumalua , händä yhtä kaikkieh parahittuan šuvata i kuunnella , i hänen piällä uššalduačeta : i žentäh kuin vain voit puata ei jumalutta , i äijiä jumalutta , tyhjällä vieruičendua , halgiendua i eruondua vierošta , niin že šuurekši iččiedä panomis’t’a , oman piällä mielen uššolduačomis’t’a , oman ili toizien viän piällä ili elon piällä , a ei mieldä pidiä jumalan kačondah .
Kyžymine .
Kuin pidäy hyvittiä jumalan mielehizie ?
Šanomine .
Ei niin , kuin iččiedä jumalua , a kuin mielehizie jumalan , jumalalla miän hyvän täh kumardelijoja , i hiän eländiä myöten i meilä eliä .
Kyžymine .
Midä ei käšše ruadua toizešša jumala käššennäššä ?
Šanomine .
Meilä ei käšše kumarrella izrastiloilla , i toizilla azeilla kuin jumalalla : niin že ei olla tyhjän vierijällä , i šilmissä vain hyvänä i ei vierašta i magien tahtojana .
Kyžymine .
Kuin pidäy pidiä jumalan liikoja ?
Šanomine .
Pidäy heidä hyvin pidiä , a ei jumalakši panna : žentäh , mintäh liikat ollah vain jumalan nägöt , i myö heidä myöten tiedäzimmä jumalan ruavot , i hänen mielehizie , myö niin že ruadazimma , i eläzimmä kuin hyö elettih .
Kyžymine .
Midä ei käšše luadie jumala kolmannešša käššennäššä ?
Šanomine .
Ei käšše tyhjäššä nimie hänen mainita , a vain malittuloissa , hädä vannuočennašša , pris’agoissa , da i šilloin šuuren varattamizen kera , i žentäh ylen riähkä midä nibuiten jumalan tällä , vieron i kirikön sv’atoin pahua paissa , hiättä vannuočie , midä nibuiten pahua jumalalda pakota , i hyviä toivottuačendua ei luadie .
Kyžymine .
Midä käšköy Jumala nellänneššä käššennäššä ?
Šanomine .
Käšköy jogo pyhiä päivänä , i pruazdniekkoina jättiä kaikki omat ruavot i aziet , käyvä kirikköh , kuunnella i lugie radeniešti jumalan šanoja , koissa omie kannettuloja i kodihizie opaštua jumalan šanoilla , i kuin kaikki , niin vielä paremmin nämä šuuret päivät vardeiliečeta , miittyzillä nibuiten pahoilla ruadoloilla , a enämmäldi viinan juomizella , paganoittua .
Kyžymine .
Midä käšköy Jumala viijenneššä käššennäššä ?
Šanomine .
Käšköy omie tuattoloja i muamoloja , a hiän nimen alla enžimäziksi kuningua , duhovnoi tuattoloja , rahvahan vanhembie , opaštajie , hyvän luadijie i ukkoloja kuunnella , i heidä varata , i jogo inehmistä šuvata , kuin iččiedä .
Kyžymine .
Miityš on azie tuattoloin i muamoloin i kannettulojen hiän ?
Šanomine .
Tuatolla i muamolla pidäy kannettuloja omie kažvattua jumalan varašša , i opaštua jumalan käškennöillä pikkuruzešta šuahen opaštua heidä h ruadamah , kodie pidiä , i hyvin rahvan kera eliä .Vardeija heidä h pahašta rahvahašta , i hiän aigah ni midä ei paissa i ei ruadua pahua , i heidä h opaštua enämmäldi hyvällä mi pahalla , a kannettulojen azie , tuattoloja i muamoloja omie šuvata , hyvittiä i heidä h kuunnella , i konža lietäh keyhät , i vanhat šyöttiä i koissa pidiä , i šillä makšua velga prauvakašti .
Kyžymine .
Miityš azie on herrojen i käškylöjien ?
Šanomine .
Herroilla pidäy käškylöjie , kuin tuattoloilla , pidiä ; a käškylöjöilä pidäy herroja omie kuunnella , i olla ruavon šuvaččijana , i toven luadijana .
Kyžymine .
Miityš azie on miehien i naizien ?
Šanomine .
Miehellä pidäy naista omua šuvata , ei šiämikkähäšti hänen kera eliä , i yhtehizeššä elännäššä , i šyötennäššä pidiä händä h toži abuniekkana .A naizien azie on šuvata i kuunnella omie miehilöjä , i hiän tabua myöten ruadua , i tirpua hiän abivoindoja .A molembien azie on toizie ni kedä ei šuvata .
Kyžymine .
Miityš azie on jogohizen inehmizen kaikkien täh yheššä ?
Šanomine .
Jogohizella pidäy kaikkien kera hyvin eliä , mielöväldi i hyvä tabazena olla , nälgähistä šyöttiä , vuatittua pal’l’ahis’t’a , läzijiä tietellä , riähkähistä riähistä poisen vediä , houkas’t’a opaštua hyvällä , andua hyviä mieldä , i jogohizen spuasenien täh jumalalla kumarrella .
Kyžymine .
Midä ei käšše šiula jumala kuuvennešša käššennäššä ?
Šanomine .
Ei käšše ni kellä ni miityttä abivoimis’t’a luadie , ni ičen tuačči , ni toizien tuačči , ni aziella , ni mielellä , a kaikkie vardeija jogo pahašta .I žentäh ylen riähkä on inehmistä kuin nibuiten tappua i ših näh juohattua , i andua abuo , i tappamizeh i pahah laškie , kuin : (kuin ); tiediä pahua mieldä , a ei pidiä javkoja , viejie peittiä , kaččuo toran piällä a ei erottua , i tulen paluo ei šammuttua , i keyhällä i läzijällä ei andua abuo .Tämä že käššendä ylen ei käšše tappua iččiedä , a vardeija omua tervehyštä , kuin parašta jumalan andamis’t’a .
Kyžymine .
Midä ei käšše šiula jumala šeiččimeššä käššennäššä ?
Šanomine .
Ei käšše meilä luadie pahua naizinehmizen kera , i kaiken hibien miän paganoidua , i hänen tahondua , niin že i šidä , mi ših vedäy .Kuin : juomine , joudomine , haukkuočomine , kargajanda , kizat , pahat virret i kirjat .
Kyžymine .
Midä ei käšše šiula jumala kahekšannešša käššennäššä ?
Šanomine .
Ei käšše ni šilmissä ni šilmien tuačči ni keldä ni midä ei kiskuo , löyvettyö ei peittiä , i pagolas’t’a ei pidiä , vierašta polostua , heinä nurmie , i ogordua žiivatalla omalla ei šyöttiä , vierašta muada ei pidiä , i konža myöt , oššat , vaihat , ni kedä ei muanittua , ruadajilda palkua ei peittiä , vuottamua ni keštä ei ottua , a pahien keyhistä : rahua kuningan , kirikön i ni kenen ei viijä i peittiä .I žentäh pidäy puata joudomis’t’a , a olla šuvaččijana ruavon , žentäh , mintäh ruavon tuačči ei mi iččiedä i kodilazie šyöttiä , no i keyhillä andua , voima .
Kyžymine .
Midä ei käšše šiula jumala yhekšänneššä käššennäššä ?
Šanomine .
Ei käšše miula jumala tyhjiä toizen piällä šanuo , tyhjäššä javkottaliečie , i toista pahakši panna , nagratteliečie , vierahie šanoja pahoin panna lyhyöldi : vardeiliečeta jogo valehušta i jogo muanitušta .
Kyžymine .
Midä ei käšše kymmenenneššä käššennäššä ?
Šanomine .
Ei käšše meilä , ei mi pahua luadie , da i ei mieleššä pidiä , i hengellä šidä ei tahtua , žentäh , mintäh , pahoista mielilöistä , ylen kebieldi , voijah pahat ruavot tulla .
Kyžymine .
Luadimizeh käššendiä jumalan mi pidäy ?
Šanomine .
Abu jumalan , kumbane , kuin kaikki hyvä ruado anduačou aino jumalan kumarduačennalla a kumardelomine on ylennyš miän mieldä i hengie jumalah pakkuonnan kera häneštä hengellä hyviä .
Perevod sokraščénnago katihísisa
Karelian Proper
Old written Tver