Texts
Return to list | edit | delete | Create a new | history | Statistics | ? Help
Nikolai Abramov
Nikolai Abramov
Livvi
New written Livvic
Nikolai Viktorovič Abramov (24. pakkaskuudu
1961 – 23. pakkaskuudu 2016) on vepsäläine kirjuttai , runoilii , kiändäi , žurnalistu , Karjalan tazavallan kul'tuururualan arvostettu ruadai .Karjalan tazavallan rahvahan kirjuttai (2017).
Eloskerdu
Oli roinnuhes da kazvanuh Leningruadan alovehen vepsäläzes Ladva-kyläs .Oli vepsäläine .
Vuvvennu 1978 loppi Vinnican školan .Opastui Leningruadan topogruafiellizes tehnikumas , Petroskoin valdivonyliopistos , Karjalan pedagougizes valdivonyliopistos .Ruadoi gruššiekannu , souhozan da piloruaman ruadajannu , kylän kul'tuurutaloin johtajannu , ruadajannu geodiezien tutkimusmatkas , fotokuvuajannu , Svirskije ogni -piirilehten da Suomelas-ugrilazen lehten toimittajannu , iččenäzen Kto o čom - lehten toimittajannu , vepsäläzen Kodima-lehten toimittajannu da piätoimittajannu .Jälgimäzet vuvvet ruadoi Karjalan kanzallizes kirjastos .
Vuvves 1998 algajen Abramov kuului Ven'an kirjuttajien liittoh da vuvves 2003 – Ven'an žurnalistoin liittoh .Suomelas-ugrilazien kirjuttajien XI kanzoinvälizes kongresas , kudai oli elokuus vuvvennu 2010 Oulus (Suomes ), Abramovua vallittih Suomelas-ugrilazien kirjuttajien liiton hallindoh .Abramov kuului Karjalan tazavallan žurnalistoin liiton hallindoh .
Kuoli 23. pakkaskuudu vuvvennu 2016 Petroskois jygien lyhytaigazen tavvin jälles .Händy pandih muah roindumuale Ladva-kyläh .
Luomisruado
Abramovan enzimäine runokogomus on "Koumekümne koume " ("Тридцать три ").Se piäzi ilmah vuvvennu 1994 da rodih enzimäzekse vepsänkielizekse kaunehkirjalližuon tevoksekse .
Vuvvennu 1999 Suomes ruadajan M . A . Castrenan seuran kannatuksel nägi päivänvalgien Abramovan toine kogomus , "Kurgiden aig " (ven . "Время журавлей "), kudamas omien runoloin ližäkse ollah runoilijan vepsän kielele kiännetyt Puškinan , Jeseninan , Pasternakan , Rubcovan , Visockoin , Jevtušenkon runot .
Vuvvennu 2005 piäzi ilmah runoilijan kolmas kogomus "Pagiškam , vell’ " (ven . "Поговорим , брат ") vepsän da ven’an kielel .
Vuvvennu 2010 Budapeštas nägi päivänvalgien Abramovan runokogomus "Kahtišti koumekümne koume " (ven . "Дважды тридцать три ") vepsän da vengrien kielel , а Tallinnas — runokogomus "Kurgede aeg " ("Время журавлей ") eestin kielel .
Vuvvennu 2011 Pariižas piäzi ilmah runoilijan runokogomus "Les chants des forêts " ("Песни леса ") vepsän da francien kielel .
Vuvvennu 2013 Piiteris piäzi ilmah runoloin kogomus "Оять-ёген рандал… " vepsän kielel , sen pohjannu oli kiriilline kirjaimikko .
Runoilii kiändi vepsän kielele muailman da Ven’an kirjalližuon klassiekkoi .Häi kiändi Omar Haijaman , Rabindranat Tagoran , Uil’jam Šekspiran , Pol’ Verlenan , Aleksandr Puškinan , Lev Tolstoin , Sergei Jeseninan , Nikolai Kl’ujevan , Boris Pasternakan , Nikolai Rubcovan , Jevgenii Jevtušenkon , Vladimir Visockoin da toizien kirjuttajien tevoksii .Häi kiändi sežo Kalevipoeg-eestiläzen rahvahan eeposan ozii , Komin rahvahan suarnoi , Ven’an suomelas-ugrilazien kirjuttajien runoloi da prouzua .Tämän ližäkse Abramov kiändi muailman rokmuuzikan tekstoi : ezim .Yesterday (The Beatles ) da We Are The Champions (Queen ), kuduat pajatetah vepsän kielel Anna Vasiljeva (Jusne ) da Karjalan pajo - da tansiansambl’u "Kantele ".
Nikolai Abramovan runoloi piästettih ilmah erilazis kogomuksis , antolougielois , niidy kiännettih vepsän kielespäi ven’akse , suomekse , eestikse , ruočikse , francien , norviegien , vengrien kielile , Ven’an suomelas-ugrilazien rahvahien kielile .
Nikolai Abramovan kniigu "Kurgiden aig " ("Kurgiloin aigu ") on V . S . Visockoin muzeis "Visockoin taloi Tagankal " (ven . "Дом Высоцкого на Таганке ").
Abramov oli ammatillizennu fotokuvuajannugi .Petroskois oli kolme hänen iččenästy fotokuvien ozutteluu , hänen luajitut fotokuvat oldih ezil Ven'an , Norviegien , Ukrainan erilazis ozuttelulois , niilöi painettih žurnualoih da fotoal’boumoih .
Vie Abramov otti ozua kinoloin kuvavuksih .Lyhyt Oza -taidofil'mu , kudaman kuvavuksih otti ozua Nikolai Abramov , sai Zolotaja lada -palkindon IV Kogo Ven’an lyhyzien kižafil'moiin festivualis "Vastavukset V’atkal " (ven . "Встречи на Вятке ", Kirov , 2007).
Ligakuul vuvvennu 2009 ven . "Вепсский завет " -dokumentufil’mu (prod’usserukeskus ATK-stuudii , Piiteri ), kudaman kuvavuksih otti ozua Abramov , sai II alovehienvälizen mul’timediataijon kilvan Siberin kuldaine kedran oksu -palkindon (ven . "Золотая кедровая ветвь Сибири ") Kemerovos .
Palkindot da arvonimet
Bengt Pohjazen fondan kanzoinväline kirjalližuspalkindo (Ruočči , 2006).
Karjalan tazavallan vuvven laureattu (2009).
Karjalan tazavallan kul’tuurualan arvostettu ruadai (2011).
Karjalan tazavallan rahvahan kirjuttai (2017, arvonimi annettih kuoltuu ).
Nikolai Abramov
Livvi
New written Livvic