Texts
Return to list
| edit | delete | Create a new
| history
| Statistics
| ? Help
Valentina Mironova
Source:
RUWIKI. Persounat. Tiedomiehet da luajittelijat.
Valentina Mironova
Livvi
New written Livvic
Valentina Mironova (30. pakkaskuudu 1970) on karjalazen rahvahanrunohuon tutkii, filolougientiedoloin kandiduattu, Ven'an tiedoakadiemien Karjalan tiedokeskuksen Kielen, literatuuran da histourien instituutan vahnin tiedoruadai.
Eloskerdu
On roinnuhes Vieljärvel umbikarjalazeh pereheh 30. pakkaskuudu vuvvennu 1970.
Vuvvennu 1987 loppi Vieljärven školan da piäzi opastumah Petroskoin valdivonyliopistoh filolougizen tiedokunnan suomen kielen ozastole opastumah suomen kieldy da literatuurua, vuvvennu 1992 loppi sen.
Hedi yliopiston loppiettuu tuli ruadoh Karjalan tiedokeskuksen Kielen, literatuuran da histourien instituuttah, kus tässäh ruadau.
Vuvvennu 2001 Valentina Mironova ottavui anuksenkarjalazien eeppizien pajoloin tutkimizeh. Vuvvennu 2011 väitti filolougientiedoloin kandiduatakse, väitösruavon tiemannu oli "Hiitolas kozičendu -runo".
Tutkii on monien konferensieloin da tutkimusmatkoin ozanottai, tiedokirjutuksien kirjuttai, Karjalan tiedokeskuksen Kielen, literatuuran da histourien instituutan projektoin todevuttai, niilöin luvus ollah projektat instituutan vahnoin arhiivumaterjualoin digitoičendas.
Kuuluu Karjalan Rahvahan Liiton halličukseh, Karjalan piämiehen tyves ruadajah sanastokomissieh. On alalline kanzalliskielizien lehtilöin da žurnualoin kirjuttai, kanzalliskielizen TV- da ruadivotoimituksen abuniekku.
Valentina Mironovan toimitettu kniigu "Pedri – kuulužu kuningas" rodih Vuvven 2022 kniigakse Karjalan tazavallas.
