Texts
Return to list | edit | delete | Create a new | history | Statistics | ? Help
Ivan Man'kin
Ivan Man'kin
Livvi
New written Livvic
Ivan
Pavlovič Man'kin (9. ligakuudu 1924 – 9. kevätkuudu 1984) on nevvostolaine valdivomies da poliitiekku , Karjalan avtonoumizen socialistizen nevvostotazavallan Korgeviman Nevvoston Prezidiuman piälikkö .
Eloskerdu
Man'kin rodivui muanruadajien pereheh , kanzua myöte oli vepsäläine .Vuvvennu 1941 loppi školan .
Suuren Ižänmuallizen voinan allettuu Man'kinoin pereh työttih evakkoh Molotovan alovehele , kus häi ruadoi lugijoin pertin piälikönny da luguu pidäjänny traktoristoin joukkovehes .Hänen tuattah Pavel Man'kin (1902-1942) kuului partizuanoin joukkoh .Kuoli , konzu täytti tiijustelijan tehtäviä vihollizen tagavos Šoutjärven piiris .
Vuozinnu 1942-1943 Man'kin on polkuškolan kursantannu Nižnii Tagil -linnas , vuvvennu 1943 oli demobiliziiruittu .
Evakospäi tulduu vuvvennu 1944-1947 ruadoi Šoutjärven toimehpaniikomitietan ozaston piälikönny , Šoutjärven piirin kirjaston piälikönny .
Vuozinnu 1947-1948 oli Kogo Nevvostoliiton Leninan kommunistizen nuorižoliiton Šoutjärven piirikomitietan toizennu sekretarinnu .Elokuus 1947 Man'kinua otettih Kogo Nevvostoliiton bol'ševiekkoin kommunistizeh puoloveheh .
Vuozinnu 1948—1950 Man'kin opastui puolovehen školas Karjalan federatiivizen socialistizen nevvostotazavallan Bol'ševiekkoin kommunistizen puolovehen keskuskomitietan tyves .
Vuozinnu 1950-1952 Man'kin oli Kogo Nevvostoliiton Leninan kommunistizen nuorižoliiton Šoutjärven piirikomitietan enzimäzenny sekretarinnu , vuozinnu 1952-1953 – Kogo Nevvostoliiton Leninan kommunistizen nuorižoliiton Segežan piirikundukomitietan enzimäzenny sekretarinnu .
Vuozinnu 1953-1955 Man'kin ruadoi Matkažpromstroi-trestan rakenduskomitietan piälikönny Segežan piiris .
Vuozinnu 1955-1961 oli Nevvostoliiton kommunistizen puolovehen Segežan piirikomitietan piälikönny .
Vuozinnu 1961-1964 oli Nevvostoliiton kommunistizen puolovehen Oniegurannikon piirin enzimäzenny sekretarinnu , Oniegurannikon piirin kylätoimehpaniikomitietan piälikönny .
Vuvvennu 1966 loppi Sordavalan souhozu-tehnikuman da Puolovehen korgeviman školan , kudai ruadoi Nevvostoliiton kommunistizen puolovehen keskuskomitietan tyves .Vuozinnu 1966-1967 ruadoi Nevvostoliiton kommunistizen puolovehen Karjalan alovehkomitietan instruktorannu .
Vuozinnu 1967-1971 oli Nevvostoliiton kommunistizen puolovehen Pitkänrannan piirikomitietan enzimäzenny sekretarinnu .
Vuozinnu 1971-1979 oli Karjalan avtonoumizen socialistizen nevvostotazavallan Ministroin Nevvoston piälikön sijahizennu da enzimäzenny sijahizennu .
Vuozinnu 1979-1984 oli Karjalan avtonoumizen socialistizen nevvostotazavallan Korgeviman Nevvoston Prezidiuman piälikönny .
Man'kinua vallittih Karjalan avtonoumizen socialistizen nevvostotazavallan Korgeviman Nevvoston VI-X kučundukerähmölöin deputuatakse da Ven'an federatiivizen socialistizen nevvostotazavallan Korgeviman Nevvoston X kučundukerähmön deputuatakse .
Kuoli aijoi , 9. kevätkuudu vuvvennu 1984 Petroskois .On pandu muah Suolusmäin kalmužimale .
Ivan Man'kin
Livvi
New written Livvic