Texts
Return to list | edit | delete | Create a new | Statistics | ? Help
Matku mennyöh aigah
Matku mennyöh aigah
Livvi
New written Livvic
Kyzyttäviä lapsil
oli menetiijä mi : mindäh , konzu , ken , mikse .Muga algavui Heččulan školaniekoin mielužu matku kauneheh Nuožarven kyläh .Se ei olluh muite vai matku , se oli oman kodirannan histourieh , kul’tuurah da mustoh tovelline syvendymine .
Enzimäi lapset tuttavuttih Nuožarven histourieh .Alina Gapejeva saneli kylän alguh panendas , sen eläjis da tärgielöis tapahtumis , mennyh aigu rounoku elavui lapsien silmien ies .
Sit lapset mendih venehien muzeih .Sie hyö nähtih rahvahan tovellizii uardehii , tiijustettih , kui ennevahnas ajeltih venehil , mittuine merkičys oli sil ajonevvol paikallizien eläjien elokses .
Pyhän Miikulan časounas lapset tunnustettih tämän lohkon hengellisty ilmua .
Lapsen kunnivoittih Ižänmuallizes voinas surman suaduloi kylän mustokohtas .
Nuožarven kul’tuurutalois lapsile ozutettih suuren voinan eksponuattoi – voinanaigazii luzikkoi , kattilazii , tyhjii gil’zoi – net ollah hirvielöin vuozien sanamattomat tovestajat .Lapset kuultih , ku niilöis kohtis , kus hyö nygöi eletäh , oldih suuret torat da bojut .
Ekskursii jatkui kirjastos , kus lapset nahtih XVIII da XIX vuozisualoin vehkehii .Hiiliut’ugu , vahnanaigaine tranzistoru – lapset nikoznu ei nähty semmostu enne .Lapset hyväl mielel verdailtih endizii vehkehii nygyaigahizih da kummeksittih , kui ruttoh muuttu muailmu da ristikanzan elaigu .
Suuren programman jälles lapsih nähte valmistettih kižat da gostitukset .
Nuožarven kirjaston ruadajan Alina Gapejevan hyvyös lapset tiijustettih da nähtih äijän uuttuu da mieldykiinnittäjiä .
Matku mennyöh aigah
Livvi
New written Livvic