Kirjeine galatalaižile (3:1-14). Ei käskišt, a uskond
вепсский
Младописьменный вепсский
1Tö, meletomad galatalaižed, ken om noidunu teid, miše tö vastustat tot? Ved' teiden sil'miden edehe oli sel'ktas todud ristha nagloitud Iisus Hristos!
2Sanugat minei vaiše üks': sait-ik tö Hengen sil, miše elit käskišton mödhe, vai sil, miše kundlit hüväd vestid da uskoit sihe?
3Olet-ik mugoižed meletomad, miše zavodit Hengen abul, a nügüd' tahtoit sada satusid mehen vägel?
4Jose olet tirpnuded nenid jügedusid tühjan? Ka ei!
5Jose Jumal andab teile Hengen i sädab surid tegoid teiden keskes sil, miše tö elät käskišton mödhe, a ei sil, miše uskot hüvähä vestihe, kudamban kulet?
6Johtutam hot' Avraaman: "Hän uskoi Jumalale, i Jumal lugi hänen uskondan hänele tozioiktuseks".
7Ka tekat: todesižed Avraaman jäl'gnikad oma ned, ked uskoba.
8Jo edelpäi Pühäd Kirjutused ozutiba, miše Jumal tegeb tozioiktoikš händast tundmatomid rahvahid i tegeb sen heiden uskondan kal't. Ned-žo Kirjutused edelpäi toiba Avraamale hüvän vestin: "Sinun kal't saba blahoslovindan kaik rahvahad".
9I muga ned, kenel om uskond, saba blahoslovindan ühtes uskojan Avraamanke.
10A nenidenke, ked napriba sada tozioiktust eläden käskišton mödhe, linneb Jumalan viha, sikš ku om kirjutadud: "Jumalan viha linneb jogahiženke, ken ei tege kaiken aigan sidä, mi om kirjutadud käskišton kirjaha".
11Om sel'ged, miše niken ei tehte Jumalan sil'miš tozioiktaks eläden käskišton mödhe, sikš ku "tozioiged eläb uskondal".
12Käskišt ei jäta nimittušt sijad uskondale. Vastkarin se sanub: "Ken tegeb, kut käskištos om sanutud, eläškandeb sil".
13Hristos om päzutanu meid käskišton vihaspäi, sikš ku iče om otnu Jumalan vihan meiden sijas, muga kut om kirjutadud: "Jumalan viha om kaikuččenke, ken om suditud puhu kolmaha".
14Muga tegihe, miše kaik toižed-ki rahvahad Hristosan Iisusanke saižiba Avraamale toivotadud blahoslovindan, muga mö-ki uskten hänehe saižim toivotadud Hengen.
Послание к галатам (3:1-14)
русский
1О, несмысленные Галаты! кто прельстил вас не покоряться истине, вас, у которых перед глазами предначертан был Иисус Христос, как бы у вас распятый?
2Сие только хочу знать от вас: через дела ли закона вы получили Духа, или через наставление в вере?
3Так ли вы несмысленны, что, начав духом, теперь оканчиваете плотью?
4Столь многое потерпели вы неужели без пользы? О, если бы только без пользы!
5Подающий вам Духа и совершающий между вами чудеса через дела ли закона сие производит, или через наставление в вере?
6Так Авраам поверил Богу, и это вменилось ему в праведность.
7Познайте же, что верующие суть сыны Авраама.
8И Писание, провидя, что Бог верою оправдает язычников, предвозвестило Аврааму: в тебе благословятся все народы.
9Итак верующие благословляются с верным Авраамом,
10а все, утверждающиеся на делах закона, находятся под клятвою. Ибо написано: проклят всяк, кто не исполняет постоянно всего, что написано в книге закона.
11А что законом никто не оправдывается пред Богом, это ясно, потому что праведный верою жив будет.
12А закон не по вере; но кто исполняет его, тот жив будет им.
13Христос искупил нас от клятвы закона, сделавшись за нас клятвою--ибо написано: проклят всяк, висящий на древе, -
14дабы благословение Авраамово через Христа Иисуса распространилось на язычников, чтобы нам получить обещанного Духа верою.
