VepKar :: Texts

Texts

Return to list | edit | delete | Create a new | Statistics | ? Help

Apostoloiden tegod (20:17-38). Pavlan matk Jerusalimha i Rimha. Pavlan pagin vanhembidenke Efesas

corpus: Biblical texts

Source:
Uz’ zavet, 2006, p. 317-318
Apostoloiden tegod. 20

Деяния апостолов. Глава 20. Библия (Синодальный перевод).

Apostoloiden tegod (20:17-38). Pavlan matk Jerusalimha i Rimha. Pavlan pagin vanhembidenke Efesas

Veps
New written Veps
17Pavel oigenzi vestin Militaspäi Efesaha i kucui uskondkundan vanhembid ičezennoks.

18Konz hö tuliba, hän sanui: "Tö tedat, kut minä olen elänu teiden keskes siš päiväspäi, konz tulin tänna Aziaha.

19Minä kaikes kundlin Ižandad i radoin hänen täht kündled sil'miš, hot' äi pidi mokitas evrejalaižiden peitplanoiden tagut.

20Minä en jätand sanumata nimidä, mi toiži teile ližad, a sanelin teile Jumalan sanad da openzin teid kut rahvahan aigan, muga i kävudes pertišpäi pert'he.

21Minä olen pagižnu kut evrejalaižile muga grekalaižile-ki, miše heile tarbiž kärautas Jumalaha i uskta meiden Ižandaha Iisusaha Hristosaha.

22Nügüd' minä Hengel vedäden mänen Jerusalimha, i minä en teda, midä sigä minei tegese.

23Necen vaiše tedan: kaikuččes lidnas Pühä Heng todištab, miše mindai varastaba čapid da ahtištused.

24No minä en kacu nimihe i en luge ičein elod kal'heks, vaiše tahtoižin ihastusenke mända minun matkan lophusai i tehta sen azjan, kudamban minei om andnu Ižand Iisus, — sanelda hüvän vestin Jumalan armoiden polhe.

25Minä tedan nügüd', miše niken teišpäi enambad ei nägišta mindai, kenen keskes olen elänu i sanelnu Jumalan valdkundan polhe.

26Sikš minä tämbei todištan teile: minä en ole vär, ku ken-se teišpäi sab igähižen surman.

27Minä en ole jätnu teišpäi peitho, miččed oma Jumalan tahtod kaikes.

28Pidägat hol't ičesatoi i kaikes uskondkundas, kudamban kacujikš Pühä Heng om pannu teid. Olgat paimned Ižandan i Jumalan uskondkundale, kudamban hän ičeze verel om sanu ičeleze.

29Minä tedan, miše minun lähtendan jäl'ghe teiden keskhe tuleba käredad händikahad, kudambile ei linne žal' lambhiden parveht.

30I teiden keskespäi tuleba mehed, kudambad pagižeškandeba kelhil sanoil, miše vedäda openikoid ičeze jäl'ghe.

31Sikš kackat tarkašti! Muštkat, miše minä koume vot öd i päiväd kündled sil'miš väzumata openzin jogahižen teišpäi.

32Nügüd' minä jätan teid, velled, Jumalaha i hänen armoiden sanaha, kudamb voib vahvištada teid uskondas i antta teile jäl'gestusen ühtes kaikiden jumalanuskojidenke.

33Minä en tahtoind nikenespäi hobedad vai kuldad vai sobid.

34Tö tedat, miše minä nenil ičein käzil olen sanu kaiken, midä pidi minei i minun sebranikoile.

35Kaikes minä olen teile ozutanu, miše muga raten tarbiž abutada vähävägižile i muštta Ižandan Iisusan sanad: ‘Paremba om antta mi otta’".

36Konz Pavel oli sanunu necen, hän kombištui i loiči heiden kaikidenke.

37Kaik lujas voikiba, kaburziba Pavlad kaglas i tervehtiba händast.

38Kaiked enamban heid vediba opalaha ned hänen sanad, miše hö enambad ei nägištagoi händast. Hö satoiba sid' händast laivha.

Деяния апостолов (20:17-38)

Russian
17Из Милита же послав в Ефес, он призвал пресвитеров церкви,

18и, когда они пришли к нему, он сказал им: вы знаете, как я с первого дня, в который пришел в Асию, все время был с вами,

19работая Господу со всяким смиренномудрием и многими слезами, среди искушений, приключавшихся мне по злоумышлениям Иудеев;

20как я не пропустил ничего полезного, о чем вам не проповедывал бы и чему не учил бы вас всенародно и по домам,

21возвещая Иудеям и Еллинам покаяние пред Богом и веру в Господа нашего Иисуса Христа.

22И вот, ныне я, по влечению Духа, иду в Иерусалим, не зная, что там встретится со мною;

23только Дух Святый по всем городам свидетельствует, говоря, что узы и скорби ждут меня.

24Но я ни на что не взираю и не дорожу своею жизнью, только бы с радостью совершить поприще мое и служение, которое я принял от Господа Иисуса, проповедать Евангелие благодати Божией.

25И ныне, вот, я знаю, что уже не увидите лица моего все вы, между которыми ходил я, проповедуя Царствие Божие.

26Посему свидетельствую вам в нынешний день, что чист я от крови всех,

27ибо я не упускал возвещать вам всю волю Божию.

28Итак внимайте себе и всему стаду, в котором Дух Святый поставил вас блюстителями, пасти Церковь Господа и Бога, которую Он приобрел Себе Кровию Своею.

29Ибо я знаю, что, по отшествии моем, войдут к вам лютые волки, не щадящие стада;

30и из вас самих восстанут люди, которые будут говорить превратно, дабы увлечь учеников за собою.

31Посему бодрствуйте, памятуя, что я три года день и ночь непрестанно со слезами учил каждого из вас.

32И ныне предаю вас, братия, Богу и слову благодати Его, могущему назидать вас более и дать вам наследие со всеми освященными.

33Ни серебра, ни золота, ни одежды я ни от кого не пожелал:

34сами знаете, что нуждам моим и нуждам бывших при мне послужили руки мои сии.

35Во всем показал я вам, что, так трудясь, надобно поддерживать слабых и памятовать слова Господа Иисуса, ибо Он Сам сказал: `блаженнее давать, нежели принимать'.

36Сказав это, он преклонил колени свои и со всеми ими помолился.

37Тогда немалый плач был у всех, и, падая на выю Павла, целовали его,

38скорбя особенно от сказанного им слова, что они уже не увидят лица его. И провожали его до корабля.
The site was created by the staff of the Karelian Research Center of the Russian Academy of Sciences
You can freely use the materials of our site and share them, most importantly - indicate authorship and a link to our resource.
More about the CC BY 4.0 license
© VepKar. Open corpus of Veps and Karelian languages