Texts
Return to list
| edit | delete | Create a new
| Statistics
| ? Help
Brendojev Vladimir .
Eloksen ratas
genre: Lyric work
Source:
Oma mua. № 31, 2026, p. 7
Brendojev Vladimir
Eloksen ratas
Livvi
New written Livvic
Eloksen ratas
Punoh da punoh,
Päiväl dai yöl,
Konzu unohtun uneh.
Pyöriy ku ratas
Muailmu ynnäh:
Sinižet meret
Manderen rynnäs.
Pyöritäh rahvas,
Ihalmot, huolet,
Kullat dai vellat,
Leivät dai suolat.
Vuvvet – ku virstat,
Elos – ku matku.
Ennustua ei sua
Kunnessah jatkuu.
Huškakkua vuvvet,
Punoi sa, ratas.
Syvembi, oigiembi
Raiživo jätä.
Raiživo sinun
Syvä da oigei
Vedäkkäh hyvyöh
Tyttärii, poigii.
Elokses lienöy
Raiživuo riedy,
Anna ei ečitä
Kebjiädy tiedy.
Kebjei on tyhjy,
Helpo sen hindu,
Lyhyt ku lykky,
Argu ku lindu.
Verine talmu,
Suolaine higi
Jygiele andua
Pitkembiä igiä.
Viuhkakkua virstat,
Pitkene matku,
Vunukois meijän
Pyörindy jatkuu!
