Texts
Return to list
| edit | delete | Create a new
| Statistics
| ? Help
Brendojev Vladimir.
Vuotan sinuu
Brendojev Vladimir
Vuotan sinuu
Livvi
New written Livvic
Vuotan sinuu, mingoi tulet,
minun lindu, čomat sullat?
Hierun tuakse päivy laskih,
taivasrandu – ruskei vaski.
Jälgi säjeh peityi pilvih.
Uppoi syväin sinun silmih.
Sinun silmät – silmykaivot.
Muakkuat minuu yöt dai päivät.
Reduvezi – reduluhtas,
silmykaivos vezi – puhtas.
Sinun silmii puhtahembi –
puhtas iäni, iäni hembei.
Sinun iäni – linnun pajo,
hobjan hely, soiton kaju.
Zor’kan rožal veri kižuau.
Mikse muokkuat vuottamižel?
Tule ehtyzor’kan kele,
puuttuš kuulla iäni heley.
Konzu huondes suluau tähtet,
uvven zor’kan kele lähtet.
