Kirjeine rimalaižile (8:1-17). Heng andab uden elon
Veps
New written Veps
1Ka sid' jo ei ole nimittušt kadondsudad nenile, ked eläba Hristosas Iisusas i ei elägoi grähkhižen taban mödhe, a Hengen mödhe.
2Ved' Hengen zakon, kudamb andab elon Hristosas Iisusas, om päzutanu mindai grähkän da surman zakonaspäi.
3Jumal tegi sen, midä käskišt ei voind tehta, se oli vägetoi meiden grähkhižen taban tagut. Rahvahan grähkiden tagut hän oigenzi tänna ičeze Poigan grähkhižen mehen karččeks. Muga hän sudi mehes rahvahan grähkäd,
4miše mö, ked eläm Hengen mödhe, a ei grähkhižen taban mödhe, eläižim oiktal elol, kudambal käskeb eläda käskišt.
5Ken eläb grähkhižen taban mödhe, sil oma meles ezmäi kaiked hibjaližed azjad, a Hengen mödhe eläjil oma himod-ki Hengen karččed.
6Grähkhižen taban himod toba surman, Hengen tahtod — elon da mirun.
7Grähkhižen taban tahtod libuba Jumalad vasthapäi, sikš ku ned ei tahtoigoi olda Jumalan käskišton al da ei voigoi-ki olda.
8Nene, ked eläba grähkhižen taban mödhe, ei voigoi olda mel'he Jumalale.
9No tö et olgoi grähkhižen taban valdas, a olet Hengen valdas, sikš ku teiš eläb Jumalan Heng. No se, kenel ei ole Hristosan Henged, hän ei ole Hristosan.
10Ku Hristos om teiš, teiden hibj om kolnu grähkän täht, no heng om eläb tozioiktusen täht.
11No ku teiš eläb Jumalan Heng, hänen, ken eläbzoiti Iisusan kollijoišpäi, ka hän, ken eläbzoiti Hristosan kollijoišpäi, tegeb mugažo eläbikš teiden kolijad hibjad Hengen vägel, kudamb eläb teiš.
12Ka muga, velled, mö olem velgas, no ei grähkhižele tabale, miše eläda muga, kut se tahtoib.
13Ku elät grähkhižen taban mödhe, tö kolet, no ku Hengen abul surmitat hibjan grähkhižed radod, ka sid' voit eläda.
14Kaik, keda Jumalan Heng vedäb, oma Jumalan lapsed.
15Tö et sanugoi orjan henged, kudamb vedäiži möst teid grähkän valdha. Olet sanuded Hengen, kudamb tegeb teid Jumalan lapsikš. I muga mö kirgoudam: "Avva! Tatam"!
16Se Heng ühtes meiden hengenke iče todištab, miše mö olem Jumalan lapsed.
17No ku olem lapsed, ka olem mugažo jäl'gestusen sajad, Jumal andab meile jäl'gestusen ühtes Hristosanke. I ku ühtes Hristosanke tirpam mokid, ka korktaha arvoho-ki päzum ühtes hänenke.
Послание апостола Павла к римлянам (8:1-17)
Russian
1Итак нет ныне никакого осуждения тем, которые во Христе Иисусе живут не по плоти, но по духу,
2потому что закон духа жизни во Христе Иисусе освободил меня от закона греха и смерти.
3Как закон, ослабленный плотию, был бессилен, то Бог послал Сына Своего в подобии плоти греховной в жертву за грех и осудил грех во плоти,
4чтобы оправдание закона исполнилось в нас, живущих не по плоти, но по духу.
5Ибо живущие по плоти о плотском помышляют, а живущие по духу - о духовном.
6Помышления плотские суть смерть, а помышления духовные--жизнь и мир,
7потому что плотские помышления суть вражда против Бога; ибо закону Божию не покоряются, да и не могут.
8Посему живущие по плоти Богу угодить не могут.
9Но вы не по плоти живете, а по духу, если только Дух Божий живет в вас. Если же кто Духа Христова не имеет, тот и не Его.
10А если Христос в вас, то тело мертво для греха, но дух жив для праведности.
11Если же Дух Того, Кто воскресил из мертвых Иисуса, живет в вас, то Воскресивший Христа из мертвых оживит и ваши смертные тела Духом Своим, живущим в вас.
12Итак, братия, мы не должники плоти, чтобы жить по плоти;
13ибо если живете по плоти, то умрете, а если духом умерщвляете дела плотские, то живы будете.
14Ибо все, водимые Духом Божиим, суть сыны Божии.
15Потому что вы не приняли духа рабства, чтобы опять жить в страхе, но приняли Духа усыновления, Которым взываем: 'Авва, Отче'!
16Сей самый Дух свидетельствует духу нашему, что мы - дети Божии.
17А если дети, то и наследники, наследники Божии, сонаследники же Христу, если только с Ним страдаем, чтобы с Ним и прославиться.
