Ezmäine kirjeine korinfalaižile (5:1-13). Vedeluzelon sudind
Veps
New written Veps
1Kaikjal pagištas, miše teiden keskes om vedelust, da völ mugošt, midä uskmatomiden keskes ei ole: eraz teišpäi eläb ičeze emindamanke.
2Tö völ surendeletoiš, a teile oliži olnu paremb voikta da küksta teiden keskespäi mehen, kudamb om tehnu kaiked mugošt.
3Hot' mindai ei ole teiden keskes, no hengel minä olen teidenke, i minä kuti teidenke oldes olen jo sudinu sen, kudamb om tehnu mugošt.
4Konz tö keradatoiš ühthe meiden Ižandan Iisusan Hristosan nimes, i teidenke sigä linneb minun-ki heng da meiden Ižandan Iisusan Hristosan vägi,
5ka teile pidab antta nece mez' sotonale, miše kadoiži hänen hibj, a heng päzuiži meiden Ižandan Iisusan Hristosan tulendpäivän.
6Tö teget hondoin, konz baffalitoiš. Et-ik tö tekoi, miše tippuine muigotest muigenzoitab kaiken taignan?
7Puhtastagat kaik vanh muigotez, miše tö oližit uz' taigin. Tö olet-ki kuti resk taigin, sikš ku meiden Äipäivän Vodnaz, Hristos, om jo pututadud.
8Em praznuičeškakoi Äipäivän praznikad vanhal kožutomal muigotesel — pahudes da grähkäs, a vedäm sidä reskal — puhthudes da todes.
9Kirjutin jo teile kirjeižes, miše teil ei saiži olda nimiččid ühthižid azjoid vedeluzmehidenke.
10En sanund necen mirun vedelusiš da ažlakoiš, anastajiš da tühjiden jumaloiden kumardelijoiš, sikš ku siloi teile pidaiži lähtta neciš miruspäi.
11A kirjutin sikš, miše tö et tegiži nimiččid ühthižid radoid senke, keda nimitadas velleks, a hän om vedeluzmez' da ažlak, tühjale jumalale kumardelii, nagrai, jomar' vai anastai. Eskai algat sögoi-ki mugoiženke.
12-13Ei ole minun azj sudida irdpoližid. Jumal sudib irdpoližid. No mikš tö et sudigoi nenid, ked oma teiden keskes? "Kükskat teiden keskespäi se, ken om paha".
Первое послание к коринфянам (5:1-13)
Russian
1Есть верный слух, что у вас появилось блудодеяние, и притом такое блудодеяние, какого не слышно даже у язычников, что некто вместо жены имеет жену отца своего.
2И вы возгордились, вместо того, чтобы лучше плакать, дабы изъят был из среды вас сделавший такое дело.
3А я, отсутствуя телом, но присутствуя у вас духом, уже решил, как бы находясь у вас: сделавшего такое дело,
4в собрании вашем во имя Господа нашего Иисуса Христа, обще с моим духом, силою Господа нашего Иисуса Христа,
5предать сатане во измождение плоти, чтобы дух был спасен в день Господа нашего Иисуса Христа.
6Нечем вам хвалиться. Разве не знаете, что малая закваска квасит все тесто?
7Итак очистите старую закваску, чтобы быть вам новым тестом, так как вы бесквасны, ибо Пасха наша, Христос, заклан за нас.
8Посему станем праздновать не со старою закваскою, не с закваскою порока и лукавства, но с опресноками чистоты и истины.
9Я писал вам в послании--не сообщаться с блудниками;
10впрочем не вообще с блудниками мира сего, или лихоимцами, или хищниками, или идолослужителями, ибо иначе надлежало бы вам выйти из мира сего.
11Но я писал вам не сообщаться с тем, кто, называясь братом, остается блудником, или лихоимцем, или идолослужителем, или злоречивым, или пьяницею, или хищником; с таким даже и не есть вместе.
12Ибо что мне судить и внешних? Не внутренних ли вы судите?
13Внешних же судит Бог. Итак, извергните развращенного из среды вас.
