Texts
Return to list
| edit | delete | Create a new
| Statistics
| ? Help
L’ubov’ Baltazar.
Pokrovan paginat
L’ubov’ Baltazar
Pokrovan paginat
Livvi
New written Livvic
Naizet stolas istutah, pajatetah, paistah,
Omua vaigu mustellah, vierastu – ni sanua.
"Nengaleite pajata, mugaleite – älä,
Toiči viehäi pajattua roih yhty iändy".
Pajatakkah soittoine, ravahtakkah älgäh,
Ei sua tiediä, kenen edeh, vaigo kenen jälgeh...
Ei sua tiediä, viego ken tulou gostih huomei,
Yksitellen tuldaneh, vaigo kerras mollei...
Mustoh tulou ammustu pajostu dai ruaduo,
Muga hyvin oli kai, muga oli äijy...
Ehki välläl kazvoimmo, emmo olluh nälläs,
Tuatan-muaman ruadoloih juoksimmo jälles.
Pokrovazen paginat – pitkät, hyvät, lämmät,
Ei sua tiediä huomistu, tänäpäi kai sano.
Ei sua tiediä, kenentäh itkemmö myö huomei,
Samvuaraine kiehastui, šipanniekku – puolei...
