Ezmäine kirjeine korinfalaižile (14:26-40). Uskondkundan suimiš kaikele pidaiži olda ičeze sijal
Veps
New written Veps
26Ka midä sid' tehta, velled? Konz tö keradatoiš ühthe, kaikuččel midä-ni om: om pajo, om opendusen vai nägudesen sana, om pagižend tundmatomal kelel da om sen sel'genzoitand. Ka olgha se kaik ühthižeks hüväks.
27Ku pagištas kelil, ka pagiškaha kaks' vai koume, a ei enamba, i pagiškaha jäl'geti, a ken-se sel'genzoitkaha.
28Ku sel'genzoitajad ei ole, ka olgha hän vaikti uskondkundan keskes i pagiškaha hän ičeksaze da Jumalale.
29Mugažo sanankandajad-ki pagiškaha kahten vai koumen, a toižed arvostelgaha heiden paginoid.
30Ku kenele-ni olijoišpäi tuleb nägudez, ka vaikastugha se, ken pagiži necen aigan.
31Tö kaik voit sanelda Jumalan vestid jäl'geti, miše kaik saižiba opendust da tegižihe rohktembikš.
32Jumalan sanankandajad voiba pidäda käziš ičeze hengelišt lahjad,
33ved' Jumal ei tahtoi segoidust, a mirud. Muga kut om kaikiš Jumalan rahvahan uskondkundiš,
34naižile pidab olda vaikti uskondkundan suimiš. Heile ei sa pagišta, pidab vaiše kundelta, muga kut käskišt-ki sanub.
35Ku hö tahtoiba miš-ni tedištada, ka küzugaha kodiš ičeze mužikal, sikš ku naižele om huiged pagišta uskondkundan suimas.
36Jose teišpäi om lähtnu mirhu Jumalan sana? Vai se tuli vaiše teidennoks?
37Ku ken-se lugeb ičtaze Jumalan sanankandajaks vai Pühäl Hengel anttud lahjan sajaks, ka hän tekaha: midä minä teile kirjutan, ned oma Ižandan käsköd.
38Ku ken-ni ei teda necidä, ka jägha tedmata.
39Sikš, velled, pangat kaik vägi, miše sada Jumalan sanankandajan lahj, no algat kel'tkoi tundmatomil kelil pagižendad.
40Olgha kaik vaiše ičeze aigan i ičeze sijal!
Первое послание к коринфянам (14:26-40)
Russian
26Итак что же, братия? Когда вы сходитесь, и у каждого из вас есть псалом, есть поучение, есть язык, есть откровение, есть истолкование, - все сие да будет к назиданию.
27Если кто говорит на незнакомом языке, говорите двое, или много трое, и то порознь, а один изъясняй.
28Если же не будет истолкователя, то молчи в церкви, а говори себе и Богу.
29И пророки пусть говорят двое или трое, а прочие пусть рассуждают.
30Если же другому из сидящих будет откровение, то первый молчи.
31Ибо все один за другим можете пророчествовать, чтобы всем поучаться и всем получать утешение.
32И духи пророческие послушны пророкам,
33потому что Бог не есть Бог неустройства, но мира. Так бывает во всех церквах у святых.
34Жены ваши в церквах да молчат, ибо не позволено им говорить, а быть в подчинении, как и закон говорит.
35Если же они хотят чему научиться, пусть спрашивают о том дома у мужей своих; ибо неприлично жене говорить в церкви.
36Разве от вас вышло слово Божие? Или до вас одних достигло?
37Если кто почитает себя пророком или духовным, тот да разумеет, что я пишу вам, ибо это заповеди Господни.
38А кто не разумеет, пусть не разумеет.
39Итак, братия, ревнуйте о том, чтобы пророчествовать, но не запрещайте говорить и языками;
40только всё должно быть благопристойно и чинно.
