Toine kirjeine korinfalaižile (13:1-13). Jäl'gmäižed nevondad da tervhutesed
Veps
New written Veps
1Nügüd' minä tulen teidennoks koumanden kerdan, sikš ku "kaikutte azj pidab vahvištoitta kahten vai koumen todištajan sanal".
2Olen edel teile sanunu i sanun völ kerdan — muga kuti toižen kerdan teidenno oldes sanuin, a nügüd' oldes edahan kirjutan — grähkiden tegijoile da kaikile toižile: konz tulen udes, ka en žalleičeškande nikeda.
3Ved' tö tahtoit nägištada, tozi-k minun kal't pagižeb Hristos. Teile Hristos ei ole vägetoi. Teiden keskes hän ozutab ičeze vägen.
4Hot' hän oli vägetoi, konz händast nagloitihe ristha, no hän eläb Jumalan vägel. Mö-ki olem vägetomad ühtes hänenke, no mö eläškandem ühtes hänenke Jumalan vägel.
5Kackat hüvin, elät-ik tö uskondas? Kackat tarkemba. Jose tö et nähkoi, miše Iisus Hristos om teiš? Ku nece ei ole muga, ka tö-ki et olgoi nene, miččin teile pidaiži olda.
6Nadeimoi, miše tö tedištat: mö olem nene, kenen meile pidab-ki olda.
7No mö pakičem Jumalad, miše tö et tegiži nimidä pahad. Em sikš pakikoi, miše ozutada ičtamoi mugoižin, miččin pidab olda, a pakičem sikš, miše tö tegižit hüväd, hot' mö oližim-ki mugomin, miččin meile ei pidaiži olda.
8Mö em olgoi vägevad tot vasthapäi, olem vägevad toden polel.
9Mö olem hüviš meliš, konz mö olem vägetomad, a tö — vägevad. Ved' siš mö loičem-ki, miše tö tegižitoiš kaikes parembikš.
10Sikš minä kirjutan-ki edahanpäi, miše tuldes teidennoks ei pidaiži ozutada teile kovad valdad, kudamban minei om andnu Ižand. Sen valdan hän om andnu minei sauvomaha, a ei murendamha.
11I lopuks, velled, sanun: olgat hüviš meliš, tehkat melenke kaik ičetoi azjad, kundelkat nevondoid, olgat üks'meližed, elägat kožmuses, siloi armastusen da tüništoitusen Jumal linneb teiden keskes.
12Tervehtagat toine tošt pühäl tervehtusel. Kaik uskondvelled oigendaba teile tervhuzid.
13Olgha teidenke kaikidenke meiden Ižandan Iisusan Hristosan armod da Tatan Jumalan armastuz da ühtenzoitkaha teid Pühä Heng. Amin'.
Второе послание к коринфянам (13:1-13)
Russian
1В третий уже раз иду к вам. При устах двух или трех свидетелей будет твердо всякое слово.
2Я предварял и предваряю, как бы находясь у вас во второй раз, и теперь, отсутствуя, пишу прежде согрешившим и всем прочим, что, когда опять приду, не пощажу.
3Вы ищете доказательства на то, Христос ли говорит во мне: Он не бессилен для вас, но силен в вас.
4Ибо, хотя Он и распят в немощи, но жив силою Божиею; и мы также, хотя немощны в Нем, но будем живы с Ним силою Божиею в вас.
5Испытывайте самих себя, в вере ли вы; самих себя исследывайте. Или вы не знаете самих себя, что Иисус Христос в вас? Разве только вы не то, чем должны быть.
6О нас же, надеюсь, узнаете, что мы то, чем быть должны.
7Молим Бога, чтобы вы не делали никакого зла, не для того, чтобы нам показаться, чем должны быть; но чтобы вы делали добро, хотя бы мы казались и не тем, чем должны быть.
8Ибо мы не сильны против истины, но сильны за истину.
9Мы радуемся, когда мы немощны, а вы сильны; о сем-то и молимся, о вашем совершенстве.
10Для того я и пишу сие в отсутствии, чтобы в присутствии не употребить строгости по власти, данной мне Господом к созиданию, а не к разорению.
11Впрочем, братия, радуйтесь, усовершайтесь, утешайтесь, будьте единомысленны, мирны, - и Бог любви и мира будет с вами.
12Приветствуйте друг друга лобзанием святым. Приветствуют вас все святые.
13Благодать Господа нашего Иисуса Христа, и любовь Бога Отца, и общение Святаго Духа со всеми вами. Аминь.
