Texts
Return to list | edit | delete | Create a new | history | Statistics | ? Help
Lapseline Varvoi
Lapseline Varvoi
Veps
New written Veps
Varvoi kazvoi
čomaks , hüväks i tabatomaks neičukaižeks .Hänen vauktoiš hibusiš vändi kibinoižil päiväine , sinižed sil’mäd kaiken kaсuiba kohtha i avoinsüdäimeližin , oli hän uskpäine , miku laps’ .Uskoi kaikihe sanoihe , i sen täht ümbri hänes paksus iloiteliba .
Oli keväz’ , konz Gagarin lendi avarudehe , i Varvoin sil’mäd sil päiväl oliba völ sinižembad , miku taivaz läikičihe niiš .
– Kut minä tahtoižin leta avarudehe ! – uništi Varvoi i lendi käded taivhannoks . Nacein , sigä om rai …
– Ka lendad-ki , konz sureks kazvad ! – toivotiba prihaižed . – Vaugedvernižid neiččid ezmaižikš kosmonavtoikš ottas .
– Naku čoma siloi om ! A konz ?
– Päliči vides vodes , necil-žo päiväl .
Mäni voz’ , mäni toine , äi vozid mäni jäl’ghe necida kevät …A lapseline Varvoi kaiken varastab toivotust .
“Toivotei toivotab , a Varvoi varastab ”…
Virkeh nece om uskpäižihe mehiže polhe .
Lapseline Varvoi
Veps
New written Veps