Texts
Return to list | edit | delete | Create a new | history | Statistics | ? Help
Melev kundleb da opendase
Melev kundleb da opendase
Veps
13
1 Melev
poig otab südäimehe tatan nevondad ,
a ičetabaine ei kundle käsköid .
2 Mez’ sab hüvüt ičeze paginoil ,
a zakonanmurendajiden südäimes om pahuz’ .
3 Ken pidätelese sanoiš , se kaičeb ičeze henged ,
a ken avaidab kaiken kerdalas , sidä varastab gor’a .
4 Lašk tahtoib , no ei sa ,
a radai sab külläks .
5 Tozioiged ei navedi kelhut’ ,
a jumalatoi huigenzoitab ičtaze .
6 Tozi kaičeb oigedmeližen hüväl tel ,
a jumalatomuz’ veb grähkižen kadondaha .
7 Eraz ozutab ičtaze bohataks , hot’ hänel ei ole nimidä ,
a toine ozutab ičtaze gol’l’aks , a hänel om äi kodielod .
8 Bohatusel mez’ ostab ičeze hengen ,
a gol’l’annoks ei tulgoi varghad .
9 Tozioiktan lämoi palab ani veslas ,
a jumalatoman lamp sambub .
[Jumalatomad segoiba grähkihe ,
a tozioiktad žalleitas da armahtadas .]
10 Nenakahudespäi tuleb vaiše ridad ,
melev om se , ken kundleb nevondad .
11 Teravas sadud bohatuz’ kadob ,
a ken vähäižin radol skopib , ka sil ližadase .
12 Pit’k varastand ahtištab südänt ,
a konz varastand täutase , elon pu eläbzub .
13 Ken ei kundle nevondoid , se tegeb ičeleze pahad ,
ken kundleb käsköid , se sab paukan .
14 [Kelastajal poigal ei ole nimidä hüväd ,
a meleval orjal om radoiš kaiken oza ,
hänen matk om oiged .]
15 Melevan openduz om elon alandused ,
mitte päzutab elod verkoišpäi .
16 Hüvä el’genduz tob hüväd mel’t ,
a uskmatomiden te om jüged .
17 Joga meletai mez’ tegeb kaiken melevašti ,
a vähämeline ozutab ičeze meletomut .
18 Paha sanansatai putub pahaze ,
hüvä sanansatai om päzund pahaspäi .
19 Gol’l’uz’ da huiged varastaba sidä , ken hül’gäidab nevondoid ,
a ken otab niid südäimehe , linneb korktas arvos .
20 Hüvä om hengele , konz täutasoiš hüväd tahtod ,
a vähämeline ei voi tirpta putmata pahaze .
21 Ken om melevidenke sebras , iče-ki tegese melevaks ,
a ken om meletomidenke – se putub pahaze .
22 Pahuz’ sabutab grähkižid ,
a tozioiktad saba hüvüt .
23 Hüvä mez’ jätab kodielod vunukoile-ki ,
a grähkižen kodielod jäba tozioiktoile .
24 Äi leibäd kazvab erašti gol’l’an-ki pöudole ,
no erased koleba , sikš ku kaik heiden azjad oma kesketi .
25 Ken žalleičeb ičeze vicad , se ei navedi poigad ,
a ken armastab poigad , se jo penessai opendab händast .
26 Tozioiged söb külläks ,
a jumalatoi eläb näl’gäs .
Melev kundleb da opendase
Veps
1
10
15