Texts
Return to list | edit | delete | Create a new | history | Statistics | ? Help
Ižandan varaiduses
Ižandan varaiduses
Veps
15
1 [Viha
rikob melevid-ki .]
Hüväsanaine vastuz ei anda sündumaha vihale ,
a tabas sanutud sana libutab vihad .
2 Melevan sanad andaba hüvid tedoid ,
a vähämeližen su lükäidab tühjid paginoid .
3 Joga sijas oma Ižandan sil’mäd ,
ned nägeba hüvid i pahoid .
4 Hilläine sana om elon pu ,
pidelematoi sana murendab mel’t .
5 Meletoi tacib polhe ičeze tatan nevondad ,
a ken kundleb opendusid , se om melev .
[Äjas todes om sur’ vägi ,
a jumalatomid juridenke nütkäitas maspäi .]
6 Tozioiktan pertiš om äi kodielod ,
a jumalatoman liža sulab .
7 Melevan su semendab melevut ,
a meletoman südäin ei .
8 Jumalatoman žertv om Ižandale vastmel’he ,
a tozioiktan loičend om hänele mel’he .
9 Jumalatoman te om Ižandale vastmel’he ,
a astujad toden tedme hän navedib .
10 Ken segoib matkas , sab kovan opendusen ,
a se , ken hondostab nevondoid , kadob .
11 Toižen mirun süvüded om avaitud Ižandan edes ,
sidä enamba – mehen südäin .
12 Vedelii ei navedi lajindad ,
ved’ hän ei lähte melevidennoks .
13 Vessel südäin tegeb modon veslaks ,
a südäintusk murendab mel’t .
14 Melevan südäin ecib tedod ,
a vähämeližen su söb vaiše tühjut .
15 Ozatomal kaik päiväd oma tuskasižed ,
a kenen südäin om vessel , sil kaiken om praznik .
16 Paremb hot’ vähäšt Ižandan varaites ,
mi sured kodielod , no jogapäiväižiš tuskholiš .
17 Om paremb kazvmusiden sömine i armastuz sen päle ,
mi lihavzoittud härg da viha sen päle .
18 Hultabaine mez’ tob ridoid ,
a tirpai – ridoid alendab .
19 Laškan matk om kuti ogasine aid ,
a tozioiktan te om siled .
20 Melev poig ihastoitab tatad ,
a vähämeline hondostab ičeze mamad .
21 Meletomuz’ om ilo vähämeližele ,
a melev astub oiktad tedme .
22 Nevondoita rad voib muretas ,
a konz om äi nevondan andajid , rad sirdäse .
23 Mehele tob ihastust hänen čomin sanutud sana ,
i kut hüvä om , konz nece sana om sanutud tarbhal aigal .
24 Melev astub elontedme ülähäkspäi ,
miše päzuda toižen mirun süvüdespäi .
25 Ižand murendab korgednenaižen pertin ,
a leskiakan mežan hän vahvištoitab .
26 Pahoiden tahtod oma Ižandale vastmel’he ,
a oiktoiden sanad oma hänele mel’he .
27 Ažlak mez’ veb kadogehe ičeze kodin ,
a ken ei navedi otoid , se eläb edemba .
28 Tozioiged meletab , midä sanuda ,
a jumalatoman su sül’geb pahut .
[Hüväd oma Ižandale tozioiktoiden matkad ,
heiden kal’t vihanikad-ki tegesoiš lähembaks .]
29 Ižand om edahan jumalatomišpäi ,
a tozioiktoiden loičendoid hän kuleb .
30 Vessel sil’m tob südäimele veslut ,
hüvä vest’ tegeb luid vahvemba .
31 Korv , mitte kuleb hüvin elon opendusid ,
om vaiše melevil .
32 Ken hül’gäidab opendust , se ei pidä hol’t ičeze henges ,
a ken otab sidä südäimehe , se sab mel’t .
33 Ižandan varaiduz opendab elämaha melevašti ,
kumarduz hänen edehe veb slavaha .
Ižandan varaiduses
Veps
1 [
6
29