Texts
Return to list
| edit | delete | Create a new
| Statistics
| ? Help
Oiktad pidab polestada (24:23-34)
Source:
Solomonan muštatišiden kirj, 2016, p. 77-78
Biblical passage:
Proverbs 24:23–34
Oiktad pidab polestada (24:23-34)
Veps
New written Veps
23Völ muga sanuba melevad:
Sudjale ei pida olda nimiččel polel.
24 Ken sanub värnikale: "Sinä oled oiged",
sidä rahvaz prokl’anib.
25 A ken sudib oiktas,
sidä armastaškatas da kitäškatas.
26 Se tervehtab,
ken andab vastust tozisanoil.
27 Tege ezmäi radod pertin irdpolel,
lopi radoid ičeiž pöudol,
a sid’ jo pidä hol’t kodin südäimes.
28 Ala ole väran todištajan ičeiž lähelišt vaste,
mikš kelastada ičeiž sul?
29 Ala sanu: "Kut hän tegi minei,
muga minä-ki tegen hänele,
maksan hänele hänen tegoiden mödhe."
30 Minä astuin laškan pöudos siriči
da vähämeližen mužikan vinpumarjsadun rindal.
31 Sigä kaik kazvoi ogahil da sihlaižil,
kiviaid lanksi.
32 Minä nägištin da panin ičeze südäimehe,
kacuin da sain opendusen:
33 "Vähäižen magadahtad, kodvaižen nukahtad,
penen aigaižen ištuhtad käded ristati –
34 i tuleb, kuti siričimänii, sinun gol’l’uz’,
da mairiž tuleb kuti oružjakaz mez’."
