Texts
Return to list | edit | delete | Create a new | history | Statistics | ? Help
Nene-ki oma Solomonan muštatišed, miččed keraziba Judejan kunigahan Jezekijan mehed
Nene-ki oma Solomonan muštatišed, miččed keraziba Judejan kunigahan Jezekijan mehed
Veps
28
1 Jumalatoi
pageneb , hot’ niken ei kükse händast ,
a oiged om rohked kuti lev .
2 Konz ma ei püžu zakonoiš , ka siš om äi pämehid ,
a el’gendajan i tedajan mehen ma om pit’kigäine .
3 Gol’l’ , kudamb ahtištab gollid ,
om kuti valeg , mitte travib leibän .
4 Ken hül’gäidab zakonoid , se kitäb jumalatomid ,
a ken püžub zakonoiš , se vastustab heid .
5 Pahad mehed ei el’gendagoi oiktoid ,
a ken ecib Ižandad , se el’gendab kaiken .
6 Paremb om olda gol’l’an da eläda oiktad elod ,
mi bohatan koverzoitta ičeze teid .
7 Poig , kudamb püžub zakonas , om melev ,
a se , ken om ühtes mänetajidenke , se huigenzoitab ičeze tatad .
8 Ken surendab ičeze bohatust procentoil da maksuiden libundal ,
ka se keradab kodielod toižile , ked abutaba gollile .
9 Ken kändab ičeze korvan zakonaspäi ,
sen loičend-ki om vastmel’he Ižandale .
10 Ken vedäb pahale tele oiktoid ,
se iče lankteb ičeze haudha ,
a oiktad saba hüväd .
11 Bohat om melev ičeze sil’miš ,
no melev gol’l’ mez’ tedab , mitte hän om .
12 Konz tozioiktad praznuičeba , toižed-ki oma hüviš meliš ,
no konz libuba jumalatomad , toižed peitäsoiš .
13 Ken peitäb ičeze pahoid radoid , sil ei ole satusid ,
a ken avaidab ned da tacib pahad radod , sidä päzutadas .
14 Ozakaz om se , ken muštab Jumalad kaiken ,
a kenen südäin kovettub , se putub pahaze .
15 Kuti äraidai lev , kuti näl’ghine kondi ,
mugoine om jumalatoi valdmez’ gol’l’ad rahvast vaste .
16 Vähämeline valdanpidäi ahtištab äjal ičeze rahvast ,
a ken ei navedi värad ližad , eläb .
17 Ken valoi verhan vert ,
sille putub olda pagos surmhasai ,
miše niken ei tabadaiži händast .
18 Ken käveleb oiktoid teidme , se püžub tervhen ,
a ken ecib värid teid , se lankteb ühtel niišpäi .
19 Ken pöudol radab , se püžub leibäs ,
a ken ei kehta rata , nägištab näl’gäd .
20 Uskoline sab äi armoid ,
a ken rigehtib bohattuda , sidä opetas kovas .
21 Ei pida olda nimiččel polel ,
ika leibsupalan täht-ki voib kelastada .
22 Kadeh mez’ rigehtib sada bohatust ,
vaiše ei teda , miše hänen taga astub gol’l’uz’ .
23 Ohjanda sanal tošt , i hän kitäb sindai jäl’ges
enamban mi sidä , ken kelel hüviteli sindai äjan .
24 Ken vargastab ičeze tatal da mamal da ei luge sidä grähkäks ,
se om razbainikoiden kogospäi .
25 Surendelii ecib ridad ,
a Ižandaha uskoi löudab hüvüt .
26 Meletoi om se , ken uskob vaiše ičeleze ,
a kenel om mel’t , se eläb .
27 Ken andab gollile , se ei gollištu ,
a ken peitäb gollišpäi sil’mäd , sidä prokl’anidas .
28 Konz libuba jumalatomad , siloi rahvaz peitäse ,
a konz hö kadoba , siloi tozioiktoiden mär kazvab .
Nene-ki oma Solomonan muštatišed, miččed keraziba Judejan kunigahan Jezekijan mehed
Veps
1