Texts

Return to list | edit | delete | Create a new | history | ? Help

Armhad täs randad i veresed veded.

Corpus: New-writing language

New written Veps, Literary texts

Source: Vladimir Brendojev, Kodima. № 11, (2014), p. 7

Armhad täs randad i veresed veded.
(Veps)

Armhad täs randad i veresed veded.
Kivikaz mättaz om, kuz’ rindal, pedai.

Ö vauged om, minä kävelen kastkes.
Varastan päivnouzman, aniku lapses.

Päiväižen sil’mäd, ka teravad, pit’käd,
Kibuspäi päiväine kastkel möst itkeb.


Änik-ki värižeb, südäimes kibu.
Sorzaine nouznu om, suugile libui.

Ei tule uni, möst randale tulen.
Kägiden kukkundan järven päl kulen.