Error:
Permission denied
Texts
Return to list | edit | delete | Create a new | history | Statistics | ? Help
Irdaližed pirdkuvad
Irdaližed pirdkuvad
Veps
New written Veps
Jo
vaugištui , konz minä heraštuin .En teda , min täht minä ihastuin hämäraižehe uhokun päindusehe muga lujas , miku tuli jo keza .Surduin tal’ven aigaspäi , konz keskpäiväd om völ pimed , tusttuin ei muga lämad , kut tahtoin homaita i mujada päiväšt , nähta päiväižen sel’ktoid sil’mäižid .
Täl vodel i sügüz’ , i tal’v oliba lujas pit’käd , päipaštokahatomad .Poles vodes habi kerazihe nedal’ , konz paštoi päiväine .I oli päiväine mitte-se unekaz , alahaline , kauged , miku läžui .
Minä avaižin uudimed , homaičin Karinan i kolkotin iknaha : ”Tervhen , käbedmod !”Kolkotehesai käbedmod ištui lumel miku must kera , a sid’ särahti i pakiči : ”N’am-n’am !””Dam-dam !” – toivotin minä i zavodin tehta homendezkodiradoid , a rindoiš rehui i viriganzi armastuz kaikehe miruhu . Kut-žo se om čomin lodud !
Sünduižem , ka ved’ pigai jo tuleb keväz’ !Linneba ruzad homendesed , konz savud päčturuišpäi tegesoiš siren’mujuižikš , päiväl linneb vaigatez , tuleb halloid i hang tegese vahvaks , i homendesel hangadme voiškab eskai joksta taivhan agjaha !I olda ani valdaližele , konz ei tarbiž ecta nimittušt tehut , – ved’ sinä iče valičed ičeiž ted !
I sid’ minä el’genzin , miše joksta om aigahk , – must keraine kaiken völ ištub lumel , varastab söndad .Minä polenzin ihastust südäimes i zavodin meletada , miše mir ei ole-ki mugoi oiged .I neniš meletusišpäi homendez tegihe täuttud erazvuiččil filosofižil meletusil .
Irdaližed pirdkuvad
Veps
New written Veps