Texts
Return to list | edit | delete | Create a new | history | Statistics | ? Help
Vauged uni
Vauged uni
Veps
New written Veps
Vauktal
unel om kaks’ pol’t .Üht pol’t ei nägu , se om minun südäimes i minä vaiše mujan , kut öl vedase aig , a toine pol’ om melentartuine aigmänetand , konz voib tarkištada , kut astub , mäneb aig .
Tal’vel ö kingtäs kärib mad , miku kaičeb eläjid uindunuziš pertiš , a taivaz , konz pit’kha kacud , tegese ei edahaline i ei korged , a mugoi tähthakaz , miše kaiken loštab , hoštab i pičkutab .
Henod tähthaižed kuctas : ”Tule tänna !Libu meidennoks !”– i vändaba , i uradiba kesk järedoid tähtazkuvid . A tähtazkuvad oma tozižed , kaikutte tedab ičeze tahon , miše ei segoitoitta aigad i sen täht ei kubahtagoi , hägumatomad nitid oma pästtud male i pidäba sen , likutades hillänke pajonke .
Minun iknaha öl kacub järed hoštai tähtaz .I konz minä en magada , sišpäi nägen , kut mäneb aig .Tähtaz pil’kištab vilul lämoil i ujub iknan ramadme päivnouzman polhe , miše noustada homendest .I minei tegese tünik hengel , minä tedan – mal linneb uz’ päiv i ei min’ täht ole žal’l’oita , miše mäneb aig .Laske nece aig udištab Mad !
Vauged uni
Veps
New written Veps