Texts
Return to list | edit | delete | Create a new | history | Statistics | ? Help
Üksjaiželo om tuskan sebranik (Moral’sanutez)
Üksjaiželo om tuskan sebranik (Moral’sanutez)
Veps
New written Veps
Vanhembil
oli koume pen’t poigad i üks’ vanhemb tütär Nastoi .Hän oli hüvän abunikan mamale .Homendesespäi ehthasai hän pidi hol’t norembiš velliš : pezi heid , söti , tüništoiti , vändi .Ehtal , konz lapsed uinziba , Nastoi abuti mamale pertiš : pühki lavad , pezi sobid .I muga mäni kaikutte päiv holiš da rados .
Kerdan neičukaine läksi jogele tomha vet i löuzi vedes kalun .Oti vedespäi kalun , nägeb – baboi astub randadme i midä-se ecib .Tuli hän baboinnoks i küzub :
– Baboi , om-ik nece sinun kalu ?
Baboi tabazi kalun i ihastui :
– Minun , armaz neičukaine !Nece om noidkalu .Sikš ku sinä löuzid sen , minä pauklahjoičen sindai .Sanu , midä tahtoid , kaiken tegen .
– Enamba kaiked mirus minä tahtoin lebaita eskai päivän , – sanui neičukaine .
– Lebaite , kuverdan tahtoid . Minun noidkalu tegeb kaiken , midä sinä tahtoiškanded .
– A ken-žo mindai sötaškandeb ?
– Ala holdu neciš , sigä kaik linneb .
– Nece om hüvä , – ihastui neičukaine .
Baboi maihuti noidkalul i Nastoi ozaižihe čomas zamkas , kus oliba nägumatomad slugad , kudambad sötiba da jotiba händast , tegiba puhthut zamkas .Ümbri zamkas ei olend nikeda , vaiše lindud pajatiba pajoid čomas sadus .Muga mäni päiv , toine .Nastoi tusttuškanzi mamad , tatad , penid vellid i voikaškanzi :
– Tahtoin kodihe .Sigä , nacein , minun abuta om huba .
– Ku pördatoi kodihe , elon lophusai radaškanded lebuta , – kuspäi-se kului än’ .
– Olgha muga ! Üksjaiželo om hubemb kaiked , nikonz en tahtoi olda üksnäin !
Sanudes nenid sanoid neičukaine ozaižihe kodiš .Sid’-žo velled loihe Nastoile vastha , zavodiba sebata händast .Üks’ söda pakičeb , toine – joda , koumandenke pidab väta .A Nastoile se tarbiž-ki , hänele om hüvä kodiš .
Üksjaiželo om tuskan sebranik (Moral’sanutez)
Veps
New written Veps
–
–
–