Texts
Return to list
| edit | delete | Create a new
| history
| Statistics
| ? Help
Kut jäniš löuzi abun
Source:
Rimma Viktorova. Kändi vepsäks Svetlana Jeršova, Kodima. № 10, 2015, p. 8
Kut jäniš löuzi abun
Veps
New written Veps
Äjan kirjutadas, kut erašti mecživatad eciba abud ristituiden keskes.
Kerdan mö olim ühten azjan todištajin…
Oli möhäine läm’ sügüz’. Ei edahan meiden pertišpäi om mec. Mö sebranikanke mänim mecha kävelmaha.
Mec harveni, oli rainiž da mujui veresel. Pit’kha mö hizaižim mecadme da saim ihastust hillüdes. Hämärzui. Male laskihe saged sumeg.
Mö pätim pörttas kodihe. Äkkid’ kulištim mittuštse šobaidust tagapäi. Ken nece voib olda? Vähäižen pöl’gästuim. Sid’ kaclimoi ümbri.
Sumeg katoi joksijoid. Naku homaičim, miše meiden polehe, mi väged, jokseb jäniš, a sidä sabutab reboi. Mö seižutimoiš. Jäniš peitihe meiden jaugoiden keskhe. Reboi homaiči meid i pagoho!