Texts
Return to list
| edit | delete | Create a new
| Statistics
| ? Help
Uz’ voz’
Source:
Valentina Lebedeva, Kodima. № 12, 2015, p. 7
Uz’ voz’
Veps
New written Veps
Tuli uz’ voz’,
ikun om hüdeges.
Taivastme tähthad
sidomust kudodas.
Kudmaižen bembles
Buruižed heläitas.
Tilližed hobedad
tikkadas – tilläitas.
Tikkahtab tilline –
lumuded langetas,
venošti kargaitas,
ku aigznamad lendeltas:
Sil’miš ned muhatas,
hibusil – hoštatas,
südäimes – värištas,
kut sol hulil sulatas.
Kämnehe keradan
buruižid, tilližid...
Elän kodirandaižes
tünäs i heledas.
