Texts

Return to review | Return to list

Termišt-orfografižen komissijan voden satusiš

history

December 22, 2021 in 23:15 Nataly Krizhanovsky

• changed the author of the source
  from Larisa Smolina
  to

June 01, 2018 in 16:14 Нина Шибанова

• changed the text
  Männuden voden lopus Petroskoiš mäni Termištorfografižen komissijan vastuz. Periodika-paindištoho kerazihe vepsän da karjalan keliden tedajad da tundijad. Vastusen pävedäjan oli Karjalan rahvahaližen politikan varaministr Jelena Migunova. Vastusehe ühtni mugažo Karjalan Openduzministerstvan radnik Natalia Vasiljeva. Zavodi paginan termištorfografižen komissijan polhe livvin karjalaižiden gruppan pämez’, Kelen, literaturan da istorijan institutan radnik, karjalan kelen tundii Tatjana Boiko. Hän homaiči, miše männudel vodel termištorfografižen komissii radoi äjan. Se pidi paginoid erazvuiččiš konferencijoiš da seminaroiš, lujas äjan abuti KIRO-organizacijale, konz kacui da lugi radlehtikoid, openduzkirjoid karjalan kelel, tegi ekspertizoid, openduzprogrammoid školile da päivkodile. Suren abun komissii andoi Präžan agjan pämehele, kudamb abuti tehta irdoiden da küliden nimid karjalan kelel. Komissijan läheližiš planoiš om pästta eloho karjalaižiden ozoitesiden kogomusen lapsile. Nece rad ei ole kebn, no se om lujas tarbhaine. Livvin karjalaižiden komissijan ühtnikad toivoba, miše abuhu tuleba mugažo lü-din karjalaižed da keradaba ozoitesid lüdin karjalan kelel. Starinan vepsläižen termišt-orfografižen komissijan radon polhe zavodi Kelen, literaturan da istorijan institutan radnik, vepsläine tedomez’ Nina Zaiceva. Hän homaiči, miše hot’ vepsläižid komissijas ei ole muga äi, no hö tegiba mugoižen-žo suren radon 2017. vodel. Ezmäi kaiked komissijan ühtnikad abutiba KIRO-organizacijale tehta vepsän kelen openduzprogrammoid školile da päivkodile. Hö ühtniba konferencijoihe, kirjutiba äi azjbumagoid karjalan kelen tugen täht Karjalan valdkundas. Ol’ga Žukova starinoiči, miše männudel vodel vepsläine komissii pästi eloho äi kirjoid lapsile. Nece rad oli tozi sur’ da oti äi vägid. Muga läksi eloho ”Holetoi aig”-runokirj lapsile. Sen kerazi ”Kodima”- lehtesen pätoimitai Galina Baburova, tekstad lugiba Nina Zaiceva da Ol’ga Žukova. Sid’ läksi eloho Valentina Rogozinan ”Mecelä-jiden polhe”-runokirj lapsile. Nina Zaiceva oli neniden tekstoiden toimitai. Mugažo sai elon Ol’ga Žukovan ”Itti-Totti”-fol’klorkirj lapsile. Sureks abunikaks möst tegihe Nina Zaiceva. Vepsläine termišt-orfografine komissii äjan abuti školale da Vepsän kul’tursebrale. Se lugi radlehtikon vepsän kelel da kaik scenarijad video-urokoile. Komissijan planoiš – tehta udes vodes frazeologižen kirjan, kus linneba ezitadud kirjamed A-M. Nece rad om lujas jü-ged. Sidä zavodi vepsläine tundii Valentina Rogozina, a nügüd’ jatktaba Nina Zaiceva da Ol’ga Žukova. Sen ližaks om vaumiž ”Vepsläižed muštatišed da sanutesed”-kirj, miččen kerazi Ol’ga Žukova, a lugiba kaik tekstad Nina Zaiceva da Zinaida Strogalščikova. Om toiv, miše udel vodel kirj lähteb eloho. Vauktan meren karjalaižiden komissijan radon polhe pagiži Kelen, literaturan da istorijan institutan radnik Irina Novak. Hän sanui Jevgenii Karakinan openduzkirjan polhe. Se om tehtud karjalan kelen kursile. Hän homaiči uziden kirjoiden polhe, miččed läksiba eloho muloi. Hän sanui abus KIRO-organizacijale openduzprogrammoiden tegemižes, ”Vkontakte”- lehtpolen kändmižes karjalan kel’he, nevondoiš TVkanaloiden radnikoile karjalan keles da mugažo planoiš udeks vodeks. Om vaumiž ”Čičiliušku”-teatran ozutelusiden kogomuz. Oliži hüvä pästta sen udel vodel eloho. Lüdin karjalaižiden komissijan radon polhe pagiži Kelen, literaturan da istorijan institutan radnik Aleksandra Rodionova. Hän homaiči, miše lüdilaižen komissijan sur’ satuz oli ”Paginkirj lüdin karjalan kelel”. Siš surid kitändsanoid om Nina Zaicevale-ki. Suren abun komissii tegi KIRO-organizacijale lüdin karjalan kelen openduzprogramman tegemižes päivkodile da školile. Se ühtni konferencijoihe, seminaroihe, kus pagiži lüdin karjalan kelen elon polhe. Komissijan planoiš om pästta eloho büllüten’, kuna kerata lüdin karjalan kelen sanoid. Ved’ kaikuččes küläs nügüd’ pagištas erazvuiččikš. Nece idei tuli kaikile mel’he, no termišt-orfografižen komissijan ühtnikad nevoiba painda tekstad lüdin karjalan kelel ezmäks ”Taivhal”- al’manahas da ”Oma mua”- lehteses. Termišt-orfografižen komissijan vastuz ozuti, miše radod männudel vodel oli tozi äi. Karjalan valdkund korktas arvosteleb sidä da nägeb vaiše hüvid satusid. Udel vodel rad ei lopte. Rahvahaližen politikan ministerstv möst tegeb konkursan da om vaumiž antta elod uzile kirjoile karjalan da vepsän kelil.

June 01, 2018 in 16:13 Нина Шибанова

• created the text