VepKar :: Texts

Texts

Return to list | edit | delete | Create a new | history | Statistics | ? Help

Antonina Bragina. Hävii koivuine…

Antonina Bragina

Hävii koivuine…

Livvi
New written Livvic
Kačoin lapsennu ainos koivuh:
Suuri, vägevy, korgiel lehti.

Boaban sanaizet tullah mieleh:
Nuorel igäizel Died’ois lähti…

Oli kargiedu päiveääijy
Syväin paloi da eulluh undu
Lapsien tervehen syödih voinat
Yhtes rahvoin kelpaloi moadu.


Kačoi meččy, kui hurizi kyynäl
Suuren koivuizen juurel vägeväl

Koivu ellendi jygien elaijan!
Andoi abuttu abieh itkijäl!

Koivun juuruizil Did’a istuu,
Murjou kämmenis huondesleibästy:
Oli abiedutäyzi vačču,
Läbi kyynälis pilvih kaččou...


Kaččou časounah kivikköh, kuuzuizih,
Kirguu taivahah: Jumal!
Mindähbo?!
Salbai silmäizet keski dorogal
Tuodih reppuine kyläh, pordahal!...