Texts

Return to list | edit | delete | history | ? Help

Etonat

Corpus: New-writing language

New written karelian, Literary texts

Source: KAT’A LOBASTOVA, Oma mua. № 16, (2017), p. 11

Etonat
(Karelian Proper)

On še hätä näijen etonojen kera! Neuvošto-ajan jälkeh niitä šikeyty lukomattomin miärin. Aššut polkuo myöten, a ne jalkojen alla kričaissah. Ollouko še šen takie, jotta peltoja ei enyä muanviljelyšhimijalla puhisseta, vain ollouko še ilmašton muuttumisen takie, ka etonoilla še tuli mieltä myöten. Näitä elukkoja vaštah ei ole vielä muuta parempua keinuo kekšitty, kuin niijen keryäntä.
Erähän kerran huomenešpuolešta meijän ämmöt-potruškat keräiltih etonoja, a šiitä lähettih aseillah joven toisella puolella. Liida-täti pani koprallisen etonoja pušših ta pisti kormanoh. Al’a-täti kyšy:
Liida, mitä vaššen šie šotet etonoja kormanoh?

A mie vien ne joven toisella puolella. Mitein še niin: meilä näitä etonoja on yllin kyllin, a heilä ei ole i vouse!