Texts
Return to list | edit | delete | Create a new | history | Statistics | ? Help
Lankiennat
Lankiennat
Karelian Proper
New written karelian
Oh-hoh , vanhat
luut , vanhat lauvat .Šattuu toičči lanketaki .
Kerran Al’a-täti nousi aikaseh ta piätti kuatua yöšankon , kuni kaikin muatah .Oli šuovatta .Piätinččänä kaupunkista tultih ”nuoret ” – Liidatäjin tytär ta vävy .Kaikin vielä muatah .Al’a-täti hil’l’akkaiseh aštu šankon kera portahilla .Portahat ollah korkiet ta niissä on monta rappuista .Tuanoin Liida-täjin vävy mualasi portahat ta nyt ne ihan kiilletäh , niin kaunehet ollah .Yön aikana portahilla laškeutu kašše …Al’a-täti kerkisi vain tallata rappusella ta – trrrr !– luiti ylähyätä alaš ta laški takapuolellah kaikki rappuset . Vot oli jymähyš !
Toisen kerran Liida-täjillä kävi huonošti tuaš niillä šamasilla portahilla .Potruškat – Al’a ta Val’a – šuorittih jälelläh kaupunkih ta issuttih portahilla .
– Vuottakkua tytöt , mie otan teijät kuvah ! rapautu Liida-täti .
Hiän otti kameran ta alko liikkuo tuakšepäin parašta näkökulmua eččiessä , ka äkkie hänen alla ollut lauta rišahti ta naini hušahti männä lattien alla .A-voi-voi kun jalan šatatti !
Niin še – portahien lautoja pitäy ajoissah vaihtua eikä vain mualata ta lakata .Šilloin ni akatki tervehimpinä pisytäh .
Lankiennat
Karelian Proper
New written karelian