Texts
Return to list | edit | delete | Create a new | history | Statistics | ? Help
Mitte voib olda tal’v?
Mitte voib olda tal’v?
Veps
New written Veps
Kerdan
küzutihe slonal :
– Mitte voib olda tal’v ?
– A mi nece om tal’v ? – čududelihe slon .
Küzutihe kerdan pohjoižel pedral :
– Voib olda , sinä andad vastust , mitte voib olda tal’v ?
– Tal’v voib olda lujas pit’k , – sanui pedr . – Se minun kodimal jatkub kogonaižen voden . A konz voz’ lopiše , tal’v zavodiše udes .
Küzutihe kerdan vilulindal :
– A sinä midä meletad , mitte voib olda tal’v ?
– Tal’v voib olda jüged , – sanui vastha vilulind . – Om hüvä , ku ristitud ei unohtagoi antta linduile leibmuruid . A ku unohtadas , kuspäi niid otta ?
Küzutihe kerdan koiral :
– Nacein , sinä tedad , mitte voib olda tal’v ?
– Br-r-r ! Se om vilu !– Sid’-žo nutaškanzi koir . – Om hüvä völ , ku om koda ! Sigä voib lämbiteldas .
Küzutihe kerdan kondjal :
– A kut sinä meletad , värlap ?Mitte voib olda tal’v ?
– A midä sen polhe pagišta-se ? – rävkni kondi . – Ved’ tal’v om lühüd – jatkub vaiše ühten ön ! Uindad pezas tal’vel , a heraštud – irdal om jo keväz’ .
Küzutihe kerdan prihažel :
– Nu-ške , sanu sinä : mitte voib olda tal’v ?
– Tal’v om ilokaz ! – heikahti prihaine . – Tal’vel lapsed huzaidaba reguzil , štarguil , hihtäba suksil , tegeba lumiukoid . A völ – vändaba lumižil !
Naku mitte voib olda tal’v !
Mitte voib olda tal’v?
Veps
New written Veps
–
–
–
–
–
–