Texts

Jäniš-kelastai (Runosarn)

April 05, 2019 in 11:37 Нина Шибанова

created the text
created the text: Oli jänišoiden kim tahos siš, kus kazvab nin’. Lebul išttes jäniš üks’ toižel küzui, entä mikš: – Lullei-jäniš, midä söid? Sanu, kuspäi vedut joid? Kelle vauktan pövun möid, jose keda iloks löid? Toine jäniš oli hahk, hänel suremb oli käpš. Kut i toižil – lühüd händ, hänen sanad – kelen vänd. – Haban korut minä söin, purtken vedut jäl’ges join. Sanktan kalun tänna toin, löda kondjad toras voin. Ilopeza – kondi bur, hot’ hän om-ki lujas sur’, Om-ik nece mecan car’? Venub bokal, kuti parz’! Mujan, vägi minai om, tartun kehe –linneb lom. Vahvan valdan otan täs, rohtkat polkta pezašt läz! Pit’käd korvad, tühjad lud, jose usktas, avoinsud? Mahtab kelastada ken, senke meiden pagin pen’. No mö prostim, hot’ i kulim necen kelastusen suren. Tedam, mitte jäniš rokhed, mecas henkta-ki ei rohti.