Texts

Return to list | edit | delete | history | ? Help

Jäniš-kelastai (Runosarn)

Corpus: New-writing language

New written Veps, Literary texts

Source: Viktor Jeršov, Verez tullei, (2018), p. 91

Jäniš-kelastai (Runosarn)
(Veps)

Oli jänišoiden kim
tahos siš, kus kazvab nin’.

Lebul išttes jäniš üks’
toižel küzui, entä mikš:

Lullei-jäniš, midä söid?

Sanu, kuspäi vedut joid?
Kelle vauktan pövun möid,
jose keda iloks löid?


Toine jäniš oli hahk,
hänel suremb oli käpš.

Kut i toižillühüd händ,
hänen sanadkelen vänd.


Haban korut minä söin,
purtken vedut jäl’ges join.

Sanktan kalun tänna toin,
löda kondjad toras voin.


Ilopezakondi bur,
hot’ hän om-ki lujas sur’,
Om-ik nece mecan car’?

Venub bokal, kuti parz’!

Mujan, vägi minai om,
tartun kehe –linneb lom.

Vahvan valdan otan täs,
rohtkat polkta pezašt läz!


Pit’käd korvad, tühjad lud,
jose usktas, avoinsud?

Mahtab kelastada ken,
senke meiden pagin pen’.


No prostim, hot’ i kulim
necen kelastusen suren.

Tedam, mitte jäniš rokhed,
mecas henkta-ki ei rohti.